Qazaqstanda avtomobıl qurastyrý artyp keledi
«Aǵymdaǵy jyldyń 10 aıynyń qorytyndysynda Qazaqstanda jalpy quny 115,2 mlrd teńgeni quraıtyn 15014 avtokólik quraly (jeńil, júk kólikteri, avtobýstar, arnaıy maqsattaǵy mashınalar jáne tirkemeler) shyǵaryldy», - delingen «QazAvtoÓnerkásip» Qazaqstannyń avtomobıl salasy kásiporyndarynyń odaǵy taratqan aqparatta.
Taratylǵan málimetterge sáıkes, shyǵarylǵan kólikterdiń kólemi ótken jyldyń sáıkes kezeńinen 2,7 esege artyp otyr. Jeńil kólikterdi qurastyrý 3,3 esege ulǵaıyp, 12986 birlikke jetken. Atalǵan kólikterdiń 72,4 paıyzy «Azııa avto», al 27,6 paıyzy «SaryarqaAvtoÓnerkásip» kásipornyna tıesili. Esepti kezeńde 545 avtobýs shyǵaryldy. Bul ótken jylǵy kórsetkishten 3,3 esege artyq. Al arnaıy maqsattaǵy 182 kólik qurastyrylyp, ótken jyldaǵy kórsetkishten 1,7 esege joǵary boldy. 1117 júk kóligi qurastyryldy.
Óńirlik shekte kólikterdiń 64,1 paıyzy Shyǵys Qazaqstan oblysynda, 26,6 paıyzy Qostanaı oblysynda, 4,1 paıyzy Aqmola oblysynda, 2,8 paıyzy Almaty qalasynda jáne 0,03 paıyzy Qaraǵandy oblysynda shyǵarylǵan.