Qazaqstanda avtokólikterdi tehnıkalyq baıqaý protsedýrasy ózgeredi

<p>ASTANA. KAZINFORM &ndash; Kólik mınıstri Marat Qarabaev avtokólikterdi tehnıkalyq baıqaý protsedýrasynyń ózgerý sebepterin túsindirdi.&nbsp;</p>

«Avtokólikti tehnıkalyq baıqaý protsedýrasy ózgeredi, biraq mehanızmi ózgerissiz qalady. Ózgeris tehnıkalyq baıqaýdy «QazAvtoJol» kompanııasyna berýmen qatysty emes, biz qabyldaıtyn normatıvtik qujattarǵa baılanysty. Zań 10 mamyrda Májilistiń jalpy otyrysynyń ekinshi oqylymynda qabyldandy. Baqylaý qyzmetkerleri barlyq jabdyqtyń bar-joǵyn tekserip, ruqsat beredi. Bizde 900-ge jýyq ortalyq bar, olar qaıta biliktilikten ótedi. Bul kólik quraldarynyń qaýipsizdigin qamtamasyz etý úshin jasalyp otyr», - dedi Májilis alańynda BAQ ókilderiniń saýalyna jaýap bergen Marat Qarabaev.

Sondaı-aq mınıstrge avtokólikti tehnıkalyq baıqaý quny qymbattaýy múmkin be degen saýal qoıyldy. 

«Bul – erkin naryq. Tehnıkalyq baıqaýdaǵy tehnologııalar bóligi ózgermeıdi, ıaǵnı, ortalyqtar úshin qosymsha talaptar qoıylmaıdy. Eger olarda buryn jabdyq bolmasa, demek olar zańsyz jumys istep keldi degen sóz», - deıdi vedomstvo basshysy. 

Eske salsaq, buǵan deıin Májilis depýtaty adam qutqarýǵa attanatyn ushaqtar avtokólik janarmaıyn quıyp júrgenin aıtty.