Qazaqstanda avıatsııalyq otynnyń baǵasy arzandady

ASTANA. QazAqparat - Qazaqstanda ushaq otynynyń quny arzandady, dep habarlaıdy QazAqparat tilshisi.

«QazMunaıGaz» Ulttyq kompanııasy» AQ aǵymdaǵy jyldyń aqpan aıynan bastap qazaqstandyq óndiristiń RT markaly avıatsııalyq otynyna kóterme baǵa tómendegeni týraly habarlaıdy. Baǵanyń ózgerýi Atyraý jáne Pavlodar munaı óńdeý zaýyttaryn jańǵyrtýdy aıaqtaý aıasynda ashyq tústi munaı ónimderin óndirý jelisiniń keńeıýine negizdelgen», - delingen «QazMunaıGaz-Aero» JShS málimetinde.

Joǵaryda kórsetilgen faktor ishki naryqty el úshin strategııalyq mańyzdy munaı ónimderimen tolyq qamtamasyz etýge jáne baǵasy qymbat ımporttan bas tartýǵa múmkindik berdi.

Budan buryn habarlanǵandaı, jaqynda QR Energetıka vıtse-mınıstri Bolat Aqsholaqov Qazaqstanda avıakerosındi óndirý máselesine túsinik berdi.

Onyń aıtýynsha, bıyl jospar boıynsha 694 myń tonna aıakerosın óndirilmek, al ishki qajettilik 630-650 myń tonna deńgeıinde qalyptasady dep kútilýde.