Qazaqstanda aýyldardyń bas jospary jasalady

ASTANA. QazAqparat - Qazaqstanda aýyldardyń bas jospary jasalatyn bolady. Bul týraly búgin Astanada "Qazaqstannyń óńirlerin damytýǵa arnalǵan múmkindikter, jaǵdaılar jáne usynystar" atty halyqaralyq konferentsııada QR Óńirlik damý mınıstri Bolat Jámishev málim etti.

Onyń atap kórsetkenindeı, bas jospar jasaý máselesi túbegeıli tek aýyldyq eldi mekenderge qatysty bolmaq. Barlyq oblys ortalyqtarynda bas jospardy ózgertý boıynsha jospar joq. Sebebi, qalalardyń bas jospary ol eskirgen jaǵdaıda nemese shahar keńeıgen tusta zań aıasynda jańartylyp otyrady.

"Eldi mekender bas josparmen qamtamasyz etilýi tıis. Sondyqtan qazirgi ýaqytta eldi mekenderge, sonyń ishinde aýyldyq okrýgterge bas jospar jasaý máselesi sheshilýde. Aýyldyq pýnktterdiń barlyǵy birdeı bul josparǵa ıe emes ekenin kórip otyrmyz. Al qalalarǵa keletin bolsaq, onyń bas josparyn tek eskirgen jaǵdaıda qarastyratyn bolamyz", - dedi ol.