Qazaqstanda aýyl sharýashylyǵyna jaramdy jerdiń 60 paıyzy paıdaǵa asyp jatqan joq

ASTANA. QazAqparat - Qazaqstannyń aýyl sharýashylyǵy jerleriniń 60 paıyzy paıdalanyp jatqan joq. Bul týraly búgin «KazMeatAstana-2016» atty halyqaralyq forýmda QR Aýyl sharýashylyǵy vıtse-mınıstri Gúlmıra Isaeva málim etti.

«Búgingi tańda Qazaqstanda 222 mln gektar aýyl sharýashylyǵy jerleri bar, olardyń ishinde tek 91 mıllıon gektary ǵana, ıaǵnı 40 paıyzy paıdaǵa asyrylyp jatyr», - dep atap ótti ol.
Vıtse-mınıstrdiń sózi boıynsha, aýyl sharýashylyǵyna jaraıtyn 60 paıyz jerdiń áleýeti el ekonomıkasyna qoldanylmaı tur.
«222 mln gektar jerdiń 187 mıllıony mal jaıylymy. Ózderińiz kórip otyrǵandaı, elde mal sharýashylyǵynyń áleýeti óte joǵary», - deıdi vıtse-mınıstr.
Aıta keteıik, Astanadaǵy «KazMeatAstana-2016» halyqaralyq forýmyna 14 elden 300-ge tarta qatysýshy kelgen. Olardyń ishinde Qytaı, Kanada, Italııa, Jańa Zelandııa, Túrkııa elderiniń ókilderi bar.