Qazaqstanda aýyl sharýashylyǵy ónimderiniń kólemi ósti

ASTANA. QazAqparat - Aǵymdaǵy jyldyń qańtar-shilde aılarynda elimizdegi aýyl, orman jáne balyq sharýashylyǵy óniminiń jalpy kólemi 1309,7 mlrd teńgeni qurady. Bul ótken jyldyń osy kezeńindegi kórsetkishke qaraǵanda 3,5 paıyz kóp, dep habarlaıdy QazAqparat statıstıka komıtetine silteme jasap.

Jalpy alǵanda, atalǵan kezeńde mal sharýashylyǵy boıynsha ónim kólemi - 1131,2 mlrd (ótken jyldyń osy kezeńimen salystyrǵanda ósim 4,1 paıyz), ósimdik sharýashylyǵynda ónim - 163,6 mlrd teńgeni qurady.

Óz kezeginde aýyl sharýashylyǵy salasyndaǵy qyzmetter kólemi 2,1 mlrd teńge boldy. Ańshylyq sharýashylyǵyndaǵy qyzmetter - 0,5 mlrd, orman sharýashylyǵynda - 7,7 mlrd, balyq aýlaý men akvamádenıette - 4,6 mlrd teńgeni qurady.