Qazaqstanda aýyl sharýashylyǵy óndirisi 3,8% ósti

NUR-SULTAN. QazAqparat – Qazaqstanda aýyl sharýashylyǵy óndirisiniń kólemi 2019 jyldyń qańtar-maýsym aralyǵynda 1 124 mlrd teńgege jetti. Bul 2018 jyldyń sáıkes merzimimen salystyrǵanda 3,8% kóp, dep habarlaıdy QazAqparat QO Ulttyq ekonomıka mınıstrliginiń Statıstıka komıtetine silteme jasap.

Atap aıtqanda,esepti kezeńde mal sharýashylyǵy ónimderiniń kólemi 1 063,5 mlrd teńgeni qurady (ótken jyldyń qańtar-maýsym aralyǵymensalystyrǵanda 3,7% kóp) Ósimdiksharýashylyǵy - 47,6 mlrd teńge (+6,7%). Óz kezeginde aýyl sharýashylyǵysalasyndaǵy qyzmetterdiń kólemi 1,2 mlrd teńge boldy. Ańshylyq sharýashylyǵyndaǵy ónim kólemi 0,5 mlrd teńge, ormansharýashylyǵynda 0,5 mlrd teńge, balyq sharýashylyqy men sý sharýashylyǵy 4,6 mlrdteńge boldy.