Qazaqstanda aýtızm dıagnozy qoıylǵan 12 myńnan astam bala bar

<p>ASTANA. KAZINFORM &ndash; &laquo;Bolashaq&raquo; qorynda aýtızmdi erte dıagnostıkalaýǵa arnalǵan aqparattyq stendter, AQSh, Frantsııa jáne TMD elderiniń sarapshylary qatysýymen ótetin halyqaralyq konferentsııa, aýtızm bar jasóspirimderge arnalǵan oqý-óndiristik kombınattary, osy jáne basqa da bastamalar týraly aıtyldy.</p>

«Bolashaq» qorynyń seriktesteri, respýblıkalyq BAQ jýrnalısteri Astananyń №95 mektep-lıtseıindegi ınklıýzııany qoldaý kabınetine keldi. Kabınet «Bolashaq» qorynyń «Bolashak Bright» jobasy aıasynda jınalǵan qaıyrymdylyq qarajatyna jabdyqtalǵan. Kabınette aýtızm jáne basqa da mentaldyq buzylystary bar 14 bala oqıdy. Jalpy «Bolashaq» qory elordada 18 ınklıýzııany qoldaý kabınetin ashyp, jabdyqtady. 2015 jyldan beri munda 150-ge jýyq bala oqyp shyqty. Barlyǵy qor Qazaqstannyń 22 qalasynda mektepter men balabaqshalarda 57 ınklıýzııany qoldaý kabınetin ashty. Aýtızm jáne basqa da damý erekshelikteri bar 800-den astam bala mektepke barýǵa múmkindik aldy.

Foto: "Bolashaq" qory

Resmı málimet boıynsha, Qazaqstanda aýtızm dıagnozy qoıylǵan 12 myńnan astam bala bar, ol balalardyń 3 479-y elordada turady. AQSh-tyń Aýrýlardy baqylaý jáne aldyn alý ortalyǵynyń málimeti boıynsha, árbir 36-balaǵa aýtızm dıagnozy qoıylǵan.

«Bolashak Bright» aktsııasyna qatysýshylar ınklıýzııany qoldaý kabınetin jabdyqtaýǵa barlyǵy 781 748 teńge jınady. 307 adam qaıyrymdylyq qarajat aýdarǵan. Dástúr boıynsha qaıyrymdylyq jasaýshylar arasynda júldeler men syılyqtar utysy ótkizildi. Bas júlde COFFEEDAY álemdik kofehanalar jelisinen bir jyldyq kofe qory boldy. Bas júldeni Astana turǵyny Gúldana Sakıeva ıelendi. «Bolashak Bright» – bul bolashakbright.kz qaıyrymdylyq onlaın platformasy, munda ár adam Qazaqstannyń qaıyrymdylyq qorlaryna qaıyrmaldyq jasap, baǵaly júldeler men syılyqtar utysyna qatysa alady.

Foto: "Bolashaq" qory

Іs-sharaǵa «Bolashaq» qory Qamqorshylyq keńesiniń tóraǵasy Dınara Gaplan, COFFEEDAY álemdik kofehanalar jelisiniń teń quryltaıshysy Almas Úrkimbaev, MYD Production jáne Turkish Airlines kompanııalarynyń ókilderi, Bolashak Bright aktsııasynyń jeńimpazy, «Ár bala mektepke barýǵa laıyqty» jobasynyń mamandary men ata-analary qatysty.

Qonaqtar ınklıýzııany qoldaý kabınetiniń jumysymen tanysyp, ınklıýzıvti bilim berýdi damytý bóligindegi qordyń sońǵy is-sharalary men bastamalary týraly bildi.

Foto: "Bolashaq" qory

«Bolashaq» qorynyń Qamqorshylyq keńesiniń tóraǵasy Dınara Gaplan:«Búgin búkil álemde atap ótiletin osy bir mańyzdy kúni biz seriktesterimizge, jýrnalısterge qor ázirlegen ınklıýzıvti bilim berý modeli qalaı jumys isteıtinin kórsetkimiz keledi. 2015 jyly biz ınklıýzııany qoldaý kabınetteriniń modelin ázirledik, al qazir bizdiń modelimiz 700-den astam bilim berý uıymdarynda memlekettik bilim berý júıesine engizildi. Bir kezderi bizdiń jobaǵa kelgen kishkentaı balapandar mine, qazir 9-synypty bitireıin dep jatyr. Sondyqtan da búginde biz aýtızm jáne damýynda basqa da erekshelikteri bar balalardyń qarapaıym kásipterge oqýy úshin ınklıýzııa salasyndaǵy basqa qorlarmen birge belsendi jumys júrgizip jatyrmyz»,-dedi.