Qazaqstanda aýylsharýashylyq drondary jınalatyn bolady

<p>ASTANA. KAZINFORM &mdash; Vıtse-premer Serik Jumanǵarınniń tóraǵalyǵymen ótken Úkimet otyrysynda aýyl sharýashylyǵynda agrodrondardy qoldaný tájirıbesin qoldaný men keńeıtýdiń tıimdiligi qaraldy.</p>

Álemniń 100-den astam elinde aýylsharýashylyq drondaryn qoldanýdyń halyqaralyq tájirıbesi jerústi búrikkish-tehnıkanyń ornyna ushqyshsyz ushatyn apparattardy paıdalanýdyń eleýli artyqshylyǵyn kórsetedi. Búginde dúnıe júzinde agrodrondardyń kómegimen 500 mln gektardan astam egistik óńdeldi. Sýdy únemdep jumsaý esebinen álem boıynsha shamamen 210 mln tonna sýdy únemdeýge, SO2 emıssııasyn 25 mln tonnaǵa qysqartýǵa múmkindik týdy. 

Aýylsharýashylyq drondary jetýi qıyn jerlerdi óńdep, zertteýge múmkindik beredi. Olar kez-kelgen aýa-raıynda, táýlik boıyna, jańbyr kezinde jáne túnde de jumys isteıdi.

«Mysaly, ózdiginen júretin búrikkish gektaryna 150 lıtr sý jumsaıdy, 5 myń gektarǵa shamamen 750 myń lıtr sý qajet. Al, dronǵa dál osyndaı aýmaqty óńdeý úshin 50 myń lıtr qajet, ol 15 ese az. Sonymen qatar jumys kezinde ózdiginen júretin búrikkish sorap qurylǵyny basyp ketedi, bul fermerge ónimniń shamamen 6%-yn joǵaltýyna ákeledi. UUA daqyldarǵa mundaı zııan keltirmeıdi», — dedi keńeste agrodrondardy paıdalanatyn kompanııanyń ókili Sanjar Nurǵazınov.

Qazaqstanda ósimdikterdiń zııankesteri men qaýipti aýrýlaryn zertteý jáne emdeý úshin ushqyshsyz ushý apparattaryn paıdalanýdy keńeıtý maqsatynda Aýyl sharýashylyǵy mınıstrligi qytaılyq Eavision kompanııasymen 80 agrodron ákelýge arnalǵan memorandýmǵa qol qoıdy. Bul UUA aýyl sharýashylyǵy taýaryn óndirýshiler arasynda satylatyn bolady. Budan basqa, «Sunkar eavision International LLP» JShS Birlesken qazaqstan-qytaı kásiporny quryldy, ol «Alataý» aqparattyq tehnologııalar parki AEA aýmaǵynda otandyq drondardy jınaýdy júzege asyrady.