Qazaqstanda áýe bıletterin arzandatý úshin qandaı sharalar jasaldy
«Bılet qunyn arzandatý úshin mınıstrlik «ashyq aspan» rejımin engizý, Túrkistan qalasynyń áýejaıyn ashý jáne otandyq tómen bıýdjettik «Fly Arystan» áýekompanııasyn iske qosý sııaqty birqatar shara atqardy. Bul áýe kóligindegi básekelestikti arttyrýǵa yqpal etedi, nátıjesinde áýe bıletteri tarıfteriniń tómendeýine kómektesedi. Іske qosylǵan sátten bastap, «Fly Arystan» shamamen 3,3 mln bılet satty, onyń ishinde 50%-ǵa jýyǵy eń tómengi tarıf boıynsha 10 myń teńgeden tómen satylǵan. «Fly Arystan» áýekompanııasynyń tarıfteri bir baǵytqa qaraı 4999 teńgeden bastalady», - dep jazylǵan QR IIDM habarlamasynda.
Sonymen birge, 2020 jyly Túrkistan qalasynyń jańa áýejaıy iske qosylǵan. Qazirgi ýaqytta Túrkistannan Nur-Sultan (7), Almaty (4), Atyraý (2) qalalaryna aptasyna 13 reıs oryndalyp jatyr. Sondaı-aq, Ystanbulǵa aptasyna 2 ret halyqaralyq reıs jasalady jáne mamyrdyń ekinshi jartysynan bastap, aptasyna 4 ret ulǵaıtý josparlanýda. Sonymen birge, Bishkek pen Tashkentke turaqty reıster ashý kózdelgen.
2019 jylǵy 1 qarashadan bastap Qazaqstannyń 11 áýejaıynda «ashyq aspan» rejımin engizý de áýe bıletteriniń qunyn tómendetýge baǵyttalǵan. Bul rejım reıster sany boıynsha barlyq shekteýlerdi alyp tastaýdy jáne sheteldik avıakompanııalarǵa «áýe erkindiginiń» besinshi dárejesin berýdi kózdeıdi. Túrkistan qalasynyń jańa áýejaıynda da osy rejım engizilgen.
«Qazaqstanda «ashyq aspan» rejımin engizý jańa sheteldik tasymaldaýshylardy tartýǵa, halyqaralyq baǵyttardy ashýǵa, áýe bıletteriniń qunyn tómendetýge, týrızmdi damytýǵa jáne AHQO-nyń kóliktik qoljetimdiligin arttyrýǵa yqpal etedi dep kútilgen edi. Alaıda, COVID-19 jáne halyqaralyq ushýlardy oryndaýǵa engizilgen shekteýlerge baılanysty jobany bıyl tolyq kólemde iske asyrý qıyn boldy. Osy jumys aıasynda mınıstrlik 20-dan astam elmen (Katar, BAÁ, Oman, Kýveıt, Bahreın, Iordanııa, Malaızııa, Avstrııa jáne t.b.) kelissózder júrgizdi, Qatar Airways, Israir, Air Asia, Salam Air, Jazeera Airways, Blue Air, Turkish Airlines jáne t. b. sheteldik avıakompanııalardyń jańa halyqaralyq baǵyttaryn ashý josparlandy. Alaıda, koronavırýs ınfektsııasynyń taralýy bul reısterdiń ashylýy belgisiz merzimge keıinge qaldyryldy», - deıdi mınıstrlik.
Qazirgi ýaqytta ishki reısterdiń oryndalýy qalpyna keltirildi. 2021 jylǵy 5 mamyrdaǵy jaǵdaı boıynsha halyqaralyq baǵyttarda turaqty reıster aptasyna 117 reıs jıiligimen 40 marshrýt boıynsha 13 elde oryndalady, bul pandemııaǵa deıingi halyqaralyq reısterdiń tek 26,4% quraıdy.
«Іshki reısterdi qysqartý, halyqaralyq avıareısterdi toqtata turý jáne qaıta bastaý týraly sheshimderdi Qazaqstan Respýblıkasynyń aýmaǵynda koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııa qabyldaıtynyn atap ótý qajet. Memleket basshysynyń tapsyrmasyn oryndaý aıasynda otandyq avıakompanııalar ishki marshrýttar boıynsha ekonom-klasty avıabılettiń ortasha qunyn orta eseppen 13,6%-ǵa tómendetti», - deıdi QR Indýstrııa jáne ınfraqurylymdyq damý mınıstrligi.