Qazaqstanda atom energetıkasyn damytý strategııasy ázirlenip jatyr

ASTANA. QazAqparat – Elimizde atom energetıkasyn damytý strategııasy ázirlenip jatyr. Bul týraly Energetıka vıtse-mınıstri Jandos Nurmaǵanbetov aıtty, dep habarlaıdy QazAqparat tilshisi.

«Mınıstrlikke atom salasyn damytý strategııasy boıynsha tapsyrmalar berildi. Biz tapsyrmany oryndaýǵa kiristik. Qazirgi kezde strategııany daıarlap jatyrmyz. Onda qaýipsizdik tehnologııasyna, atom salasy boıynsha naqty tehnologııany tańdaý, energııa balansy qurylymynda atom generatsııasy kólemine qatysty máseleni qamtyp, olar boıynsha tıisti jaýapty berip, qujatty Úkimettiń qaraýyna engizemiz», - dedi J. Nurmaǵambetov Ortalyq kommýnıkatsııalar qyzmetindegi baspasóz máslıhatynda.

Budan buryn habarlanǵandaı, brıtandyq NNWI ortalyǵynyń prezıdenti Tım Ieo Ortalyq Azııanyń energetıka saıasatynda eleýli ózgeris bolýy múmkin ekenin aıtty.

Sonymen qatar bıyl mamyr aıynda elordada atom elektr stansasynyń qurylysyna qatysty dóńgelek ústel ótti.

Eýrazııa ulttyq ýnıversıteti men «Qazaqstandyq atom elektr stantsııalary» JShS birlese uıymdastyrǵan is-shara barysynda mamandar AES taqyrybyn jan-jaqty talqyǵa saldy.