Qazaqstanda atqarylyp jatqan sharalar demokratııalyq úderistiń tereńdep otyrǵanyn bildiredi - R. Bazarbaı

ANA. 26 qarasha. QazAqparat /Qanat Mámetqazyuly/ - Qazaqstanda atqarylyp jatqan sharalar demokratııalyq úderistiń tereńdep otyrǵanyn bildiredi. Búgin Elordada EQYU Sammıti qarsańyndaǵy Sholý konferentsııasynyń «BAQ bostandyǵy» sessııasynda sóz sóılegen «Jastar» táýelsiz áleýmettik saıası gazetiniń ókili Raýshan Bazarbaı osylaı málim etti.

«Qazaqstandaǵy sóz bostandyǵyna qatysty keıbir pikirler bul másele boıynsha búkil qazaqstandyqtardyń kózqarasyn bildirmeıdi. Jalpy, búgingi alqaly jıynnan da elimizdiń demokratııalyq qoǵamdy odan saıyn damyta túsýge degen nıetin, elimizdegi pikir alýandyǵy men sóz bostandyǵynyń qarqyndy damyp otyrǵanyn bilýge bolady. Men ózim táýelsiz BAQ ókilimin. Endeshe, meniń pikirim boıynsha Qazaqstanda jasalyp jatqan sharalardyń basym kópshiliginen demokratııalyq betburystyń tereńdep otyrǵanyn biler edik », - dedi R. Bazarbaı.

Onyń aıtýynsha, Qazaqstanda erkin baspasóz úshin quqyqtyq negiz jaqsy qalyptasqan. «Sóz bostandyǵy men BAQ erkindigine qatysty másele kóterip júrgen basylymdar negizinen zań sheńberindegi quqyq buzýshylyqtary bolǵandyqtan, sondaı kemshilikteri úshin japa shegip jatqandyqtan da kóbinese osyndaı áreketke barady dep oılaımyn», - dedi R. Bazarbaı .