Qazaqstanda ata-analardy DDSU baǵdarlamasy boıynsha oqytý bastaldy

NUR-SULTAN. QazAqparat - QR Eńbek jáne halyqty áleýmettik qorǵaý mınıstrligi BUU Balalar qorymen (ıÝNISEF) birlese otyryp, SST baǵdarlamasy boıynsha damýynda ereksheligi bar balalarǵa kútim jasaý daǵdylaryna ata-analardy oqytý úshin jattyqtyrýshylardy daıarlaýdy bastady. Bul týraly QazAqparat atalmysh vedomomtvonyń baspasóz qyzmetine silteme jasap habarlaıdy.

Shymkentte 14 adamnan turatyn bolashaq jattyqtyrýshylardyń birinshi tobyn oqytý 19-23 shilde aralyǵynda ótedi. Qajetti bilim men daǵdylardy ıgergennen keıin, olar 56 balamen otbasylarymen qosa aınalysady.

Oqý kýrsyna materıaldardy beıimdeý, jattyqtyrýshylardy daıarlaý, mamandar men ata-analardy oqytý kiredi. Sondaı-aq damýynda kidirisi bar, onyń ishinde aýtıstik spektrdiń buzylýy baıqalatyn 2-9 jastaǵy balalardy kútip-baǵýmen aınalysady.

Kýrs maqsaty - ata-ana men balanyń ońtaıly ózara is-qımylyn damytý, olardyń arasyndaǵy qarym-qatynasty nyǵaıtý, beıimdelý daǵdylaryn damytý. Munymen qatar, joba júıkege salmaq túsetin kezderdi basqarý daǵdylaryn damytýdy kózdeıdi.

Esterińizge sala keteıik, CST (CaregiverSkillsTrainingforFamiliesofchildrenwithdevelopmentaldisoders) – bul Dúnıejúzilik densaýlyq saqtaý uıymynyń ata-analarǵa damýy kesh nemese damýy artta qalǵan balalarǵa kútim jasaý daǵdylaryn úıretýge arnalǵan baǵdarlamasy.

Onda minez-qulyqty qoldanbaly taldaý, damý týraly ǵylym, áleýmettik kommýnıkatsııa is-sharalary, oń tárbıe jáne ózine-ózi qyzmet kórsetý ádisteri qaǵıdattary qoldanylady.

Sonymen qatar, naqty jaǵdaıda ne isteý kerek, jaqyn bolashaqta qandaı mindetter mejelegen abzal sııaqty eresek tarap pen balanyń ózara árekettesýiniń qadamdyq strategııalary bar.