Qazaqstanda astyq jınaý naýqany aıaqtalyp keledi

NUR-SULTAN. QazAqparat – Elimizdiń negizgi astyq egý aımaqtarynda astyq jınaý naýqany aıaqtalýǵa jaqyn. «Báıterek» holdınginiń «QazAgroQarjy» aktsıonerlik qoǵamy fermerlerge kórsetetin qoldaýdyń tıimdiligin baǵalaý úshin Aqmola oblysy sharýashylyqtarynyń birine baspasóz týryn uıymdastyrdy, dep habarlaıdy QazAqparat.

«Kamyshenka» JShS «QazAgroQarjy» AQ Aqmola oblysy fılıalymen 2012 jyldan bastap jumys isteıdi. «QazAgroQarjy» fılıalynda qyzmet kórsetý kezeńinde mashına-traktor parkin jańartý maqsatynda 930 mıllıon teńgege tehnıka satyp alyndy.

2021 jyly «QazAgroQarjy» AQ-men jemshóp jınaý kombaınyn satyp alýǵa 262,2 mıllıon teńge somasyna qarjy lızıngi sharty jasaldy.

Bul bıylǵy ekstremaldy qýańshylyq jáne jemshóp tapshylyǵy jaǵdaıynda ózekti boldy.

«Kamyshenka» jaýapkershiligi shekteýli seriktestigi 2005 jyly quryldy.

«Kamyshenka» JShS qyzmetiniń negizgi baǵyty – ósimdik sharýashylyǵy jáne mal sharýashylyǵy ónimderin óndirý jáne satý.

Egistiktiń jalpy aýdany - 18 622 ga (onyń 12 myń gektary egiledi).

Negizgi ósiriletin daqyldar dándi jáne azyqtyq daqyldar (azyqtyq júgeri, keptirilgen burshaq, masaqtylar qospasy).

Mal sharýashylyǵy 600 bas analyq maldan turatyn sút baǵytynda usynylǵan, sharýashylyqtaǵy jalpy mal basy – 1500 bas ІQM.

Aqmola oblysy ákimdiginiń aýyl sharýashylyǵy basqarmasynyń aqparaty boıynsha oblystaǵy dándi jáne dándi-burshaqty daqyldardyń jalpy aýdany 4 mıllıon 530 myń gektardy quraıdy.

2021 jylǵy 20 qyrkúıektegi jaǵdaı boıynsha 4 mıllıon 338 myń gektar nemese 95,7 paıyzy jınaldy.

Oblystyń Astrahan aýdanynda alańnyń 86% jınaldy.

2021 jylǵy 21 qyrkúıektegi jaǵdaı boıynsha «QazAgroQarjy» AQ-na eldiń aýyl sharýashylyǵy taýar óndirýshilerinen 161,9 mıllıard teńge somasyna ótinim kelip tústi.

Onyń ishinde 124 mıllıard teńge somasyna 6 477 tehnıka qarjylandyryldy.