Qazaqstanda astyq aýmaqtarynyń 18,4 % jınaldy - QazAgro

ASTANA. 5 qyrkúıek. QazAqparat - Qazaqstanda 2898,8 myń gektar jerde nemese barlyq aýmaqtyń 18,4 % astyq jınaldy, dep habarlady primeminister.kz «QazAgro» memlekettik holdınginiń baspasóz qyzmetine silteme jasap.

Aýyl sharýashylyq mınıstrliginiń málimetine sáıkes ortasha astyq ónimdiligi gektardan 12,2 tsentnerdi qurady.

Holdıng habarlamasynda aıtylǵandaı, astyq jınaý naýqanyn qarjylandyrýǵa «QazAgro» 17 mlrd teńge bólýdi kózdep otyr. Atalǵan somanyń 13 mlrd teńgesi «QazAgroQarjy» AQ-nyń astyq jınaý tehnıkasy men jabdyqtaryn satyp alýǵa arnalǵan bıýdjettik emes kózderinen bolyp tabylady. 3,9 mlrd-qa jýyǵy tikeleı nesıelendirý jáne Nesıelik seriktesteri júıesi arqyly qarjylandyrýǵa Agrarlyq nesıe korporatsııasynyń qarjysy.

Budan ózge, Aýyl sharýashylyǵyn qarjylaı qoldaý qory «Eginjaı» baǵdarlamasy aıasynda, sonymen qatar ońtústik aımaqtyń maqtashylaryn qarjylandyrýǵa 500 mln teńge bóledi.