Qazaqstanda áskerı-tehnıkalyq oqý oryndarynyń júıesi tolyqtaı qaıta qaralady

<p>Bas áskerı prokýratýramen birlese áskerı-tehnıkalyq mektepterdiń júıesin tolyqtaı qaıta qaraý josparlanyp otyr. Bul týraly Qorǵanys mınıstri Rýslan Jaqsylyqov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Búgin Májilistegi baspasóz máslıhatynda tilshiler mınıstrden áskerı oqý oryndaryndaǵy álimjettik sııaqty zańǵa qaıshy áreketterdi joıý máselesine qatysty suraq qoıdy.

«Osyǵan deıin biraz adamdy qyzmetinen bosatyp, tártipti kúsheıtip jatyrmyz. Qazir Bas áskerı prokýratýramen birlese áskerı-tehnıkalyq oqý oryndarynyń júıesin tolyǵymen qaıta qaraýdy josparlap otyrmyz. Bul rette aýqymdy jumys atqarylmaq. Qorǵanys mınıstri retinde armııa máselesimen aınalysyp jatyrmyn. Sonymen qatar, saladaǵy basqa da is-sharalar nazardan tys qalyp otyrǵan joq», - dedi R. Jaqsylyqov.

Aıta keteıik, búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine rezervtegi qyzmet máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.

Zań jobasynda áskerı qyzmettiń jańa túrin - rezervtegi qyzmetti engizý usynyldy. Rezervtegi qyzmet - bul aýmaqtyq qaǵıdaty boıynsha (turǵylyqty jeri boıynsha) áskerı qyzmettiń erikti túri.