Qazaqstanda áskerı kafedralardyń jumysyna qansha qarjy bólinedi
«Daıarlyqty qarjylandyrý (áskerı rezerv) memlekettik tapsyrys boıynsha QR Bilim jáne ǵylym mınıstrligine qarasty 020 bıýdjettik baǵdarlama boıynsha jáne QR Densaýlyq saqtaý mınıstrligine qarasty 003 bıýdjettik baǵdarlama boıynsha júzege asyrylady», - dep jazdy QR Qorǵanys mınıstri Rýslan Jaqsylyqov depýtattyq saýalǵa bergen jaýabynda.
Atap aıtqanda, jyl saıyn tegin negizde oqıtyn bir stýdent úshin QR Bilim jáne ǵylym mınıstrliginen 179 800 teńge jáne QR Densaýlyq saqtaý mınıstrliginen - 138 500 teńge bólinedi.
«Áskerı oqytylǵan rezervti jınaqtaý aqyly negizde oqıtyn stýdentter esebinen júrgiziledi. Bul óz kezeginde memlekettik bıýdjetke túsetin qosymsha júktemeni alyp tastaıdy. Al kórshi el Reseıdiń tájirıbesine súıensek, áskerı rezervti daıarlaý memleket esebinen tolyq qarjylandyrylady. Onyń ishine áskerı oqytylǵan rezervti daıarlaý ortalyqtarynyń ınfraqurylymyn, professor-oqytýshylar quramy men bilim alýshylar shtatyn ustaý (áskerı kıim, tamaq jáne aqshalaı qamtamasyz etý) kiredi», - deıdi qorǵanys mınıstri.