Qazaqstanda áskerı eń tanymal mamandyqtar belgili boldy

ASTANA. QazAqparat - Áskerı bilim berý júıesin jetildirý 2015 jyly QR Qarýly Kúshterinde baǵyttalǵan jumystyń alty negizgi mańyzdy baǵyttarynyń biri boldy, dep jazady QR Qorǵanys mınıstrliginiń resmı saıtynda.

Áskerı bilim berý salasynda eleýli ózgerister paıda boldy. Áskerı kafedralarda jańa erejeler engizildi jáne 26 mamandyq boıynsha qyz balalardy irikteý bastaldy, barlyq oqý oryndarynda qabyldaý jóninde jańa qaǵıdalar bekitildi, jańa psıhologııalyq testiler engizildi.
Sonymen qatar, áskerı bilim berýdiń erekshelikterin eskere otyryp, kredıttik tehnologııa boıynsha oqytýǵa kóshý júzege asyryldy. Qazirgi ýaqytta Qazaqstanda bakalavrıat baǵdarlamasy boıynsha áskerı mamandardy daıarlaýdy júzege asyratyn úsh áskerı joǵary oqý orny bar. Ol - Qurlyq áskerleriniń Áskerı ınstıtýty, Radıoelektronıka jáne baılanys Áskerı-ınjenerlik ınstıtýty, Keńes Odaǵynyń eki márte batyry T. Bıgeldınov atyndaǵy Áýe qorǵanysy kúshteriniń Áskerı ınstıtýty.
2015 jyly osy úsh áskerı oqý ornyn 700-ge tarta túlek bitirip shyqty. Eń tanymal jáne suranysqa ıe mamandyqtar «komandalyq taktıkalyq motoatqysh áskerleri» (QÁ ÁI), «áýe kemelerin paıdalaný» (komandalyq taktıkalyq armııalyq avıatsııa) (ÁQK ÁI), «baılanys jelileri jáne kommýtatsııa júıeleri» (REjBÁII) boldy. Oqýdy támamdaǵannan keıin qazaqstandyq áskerı joǵary oqý oryndarynyń túlekteri áskerlerge jiberildi. 350-ge tarta jas leıtenant Qurlyq áskerleri, 250-ge jýyǵy Áýe qorǵanysy kúshteri jáne 20 shaqtysy Áskerı-teńiz kúshteriniń qataryn tolyqtyrdy. Qalǵandary QR Qarýly Kúshteriniń ártúrli qurylymdyq bólimshelerine qyzmet etýge attandy. Odan basqa, 2015 jyly Reseı, Belarýs, Ýkraına, Úndistan, AQSh, Túrkııa jáne Ulybrıtanııa shetel áskerı joǵary oqý oryndarynyń 90-ǵa jýyq túlegi de qazaqstandyq armııada qyzmet etýge ornalasty.