Qazaqstanda áskerı boryshty óteýdi eki jyldyq merzimge qaıtarý máselesi qaralýda
13:31, 04 Qazan 2016
ASTANA. QazAqparat - QR Qorǵanys mınıstrligi merzimdi áskerı qyzmetti óteý merzimin arttyrý týraly máseleni qarastyrýda. Bul týraly «QazAqparattyń» resmı saýalyna atalǵan vedomstvo ókilderi habarlady.
«Qazirgi kezde Qazaqstannyń Qarýly Kúshterinde merzimdi áskerı qyzmet ýaqyty zańnamaǵa sáıkes 12 aıdy qamtıdy. Bir jyldyq merzimdi áskerı qyzmetke qazaqstandyq ásker 2007 jyly kóshken bolatyn. Atalǵan qadam Qazaqstan armııasyn kásibılendirýdiń qarqyndy úderisine ilesti. Búginde QR Parlamenti depýtattarynyń merzimdi áskerı qyzmetti óteý merzimin arttyrý týraly bastamasy Qorǵanys mınıstrliginde qarastyrylyp jatyr»,-dep atap ótilgen vedomstvonyń málimetinde.
Esterińizge sala keteıik, 2016 jyldyń 16 qyrkúıekginde QR Parlamenti Senatynyń depýtaty Darıǵa Nazarbaeva áskerde eki jyldyq merzimdi qyzmetti qaıtarý usynysyn jarııa etken bolatyn.