Qazaqstanda áskerı bilim alýdyń jańa múmkindigi týdy
«Kadet korpýsyna túsý kezinde UBT-nyń upaıy eskeriledi. Biraq, joǵary oqý oryndarymen salystyrǵanda onyń ótpeli upaıy tómen. Bul UBT-da 50-den tómen ball jınaǵan bozbalalar medıtsınalyq kýálandyrýdan ótip, dene daıarlyǵy boıynsha normatıvterdi, psıhologııalyq testileýdi oıdaǵydaı tapsyrsa Kadet korpýsyna túsýge múmkindik alady. Nátıjesinde mamandyq alyp shyǵyp, sáıkesinshe Kadet korpýsyn támamdaǵannan keıin 100 paıyz jumysqa ornalastyrylady. Kadet korpýsyna túsý úshin ótpeli ball - 30 baldy quraıdy. Bul barlyǵyn qabyldaımyz degen sóz emes. Oqýǵa túsýshiniń densaýlyǵynda kinárat bolmaýy, moraldyq jáne psıhologııalyq turǵyda turaqty, áskerı bolýǵa bekinýi tıis. Sol kezde onyń Kadet korpýsyna túsýge barlyq múmkindigi bolady», - deıdi QR QM Bilim jáne ǵylym departamentiniń bastyǵy Aıgúl Túlembaeva.
Arnaıy tekserýden ótken, oqýǵa densaýlyq jaǵdaıy boıynsha jaramdy, attestattaǵy ortasha ball 3,5-ten kem bolmasa, kásibı-psıhologııalyq testileý jáne komıssııanyń dene daıarlyǵy boıynsha normatıvterin tapsyratynyn aıta keteıik. Qabyldaý kezinde olar Kadet korpýsynyń aýmaǵynda ornalastyrylyp, tamaqpen qamtamasyz etiledi.
Oqýdy aıaqtaǵannan keıin kadetter «Áskerı basqarýdyń kishi mamany (menedjer)» biliktiligi, sondaı-aq «3-synypty JÁJM-niń mehanık-júrgizýshisi» jáne «V», «S» sanattaǵy avtomobıl júrgizýshisi kýáligi berile otyryp, «Áskerı basqarý» mamandyǵy boıynsha dıplom alatynyn aıta ketken jón.