Qazaqstanda ártisterge beıádep áreketteri úshin aıyppul salynbaq

<p>ASTANA. KAZINFORM &ndash; Mádenıet jáne aqparat mınıstrligi ádepsiz, oqa minez-qulyq tanytyp, sondaı-aq balaǵat sózder aıtyp nemese mas kúıinde sahnaǵa shyqqany úshin ártisterdi jaýapqa tartýdy usynyp otyr.&nbsp;</p>

Buıryqqa sáıkes, ártistiń mádenı-buqaralyq is-sharalar barysynda kórermenderge orynsyz, ádepsiz, dóreki minez-qulqy, balaǵat sózderdi qoldanýda, alkogoldik ishimdikterdi ishýde, alkogoldik nemese esirtkilik mas kúıinde, sondaı-aq psıhotroptyq zattardyń, olardyń balamalary men prekýrsorlaryn qoldanǵany úshin jeke tulǵalarǵa 150 AEK (aılyq eseptik kórsetkish), zańdy tulǵalarǵa 300 AEK mólsherinde aıyppul qarastyrylǵan.

Atalǵan buzýshylyqtar qaıtalanǵan jaǵdaıda bir jyl ishinde jeke tulǵalar úshin aıyppul 200 AEK jáne zańdy tulǵalar úshin 600 AEK-ke deıin ósedi. 

Qujat «Ashyq NQA» saıtynda ornalastyrylǵan.