Qazaqstanda arenda dúrbeleńi basylyp, jaldamaly páterdiń aqysy tómendedi

ASTANA. QazAqparat – Qazaqstandaǵy jalǵa beriletin turǵyn úıdiń baǵasy men suranysyna taldaý jasaǵan Krisha.kz resýrsy páteraqy dúrbeleńi báseńdegenin habarlady, dep habarlaıdy QazAqparat tilshisi.

Monıtorıngke sensek, 5-12 qazan aralyǵynda jeti qalada páteraqy baǵasy kerisinshe sál túsken.

Atap aıtsaq, Petropavl, Aqtóbe, Pavlodar, Oral, Astana, Qostanaı, Atyraý qalalarynda páteraqy 10% tómendegen.

Al Almaty, Aqtaý, Qaraǵandy, Óskemen, Shymkent qalalarynda páteraqy áli qymbattap jatyr.

Páteraqynyń sharyqtaý shegi:

- Almatyda - 30 qyrkúıekten 7 qazanǵa deıin;

- Astana – 5 qazannan bastap;

- Oral - 2 qazannan bastap tirkeldi.

Almatyda naryq qurylymynyń ózgerýine jáne arzan páterlerdiń tapshylyǵyna baılanysty tómendeý áli baıqalmaı otyr.

Bir qyzyǵy, Túrkistan, Taraz, Kókshetaýda páteraqy men suranys ózgermegen deýge bolady.