Qazaqstanda araqtyń eń tómengi baǵasy belgilendi
02:50, 06 Sáýir 2021
NUR-SULTAN. QazAqparat - Qazaqstanda araq jáne kúshtiligi joǵary lıker-araq buıymdaryna eń tómengi bólshek saýda baǵasy belgilendi, dep habarlaıdy QazAqparat Memlekettik kirister komıteti baspasóz qyzmetine silteme jasap.
«Araqtarǵa jáne aıryqsha araqtarǵa, kúshtiligi joǵary lıker-araq buıymdaryna arnalǵan eń tómen bólshek saýda baǵalaryn belgileý týraly» 2021 jyldyń 31 naýryzyndaǵy № 187 Qazaqstan Respýblıkasy Úkimetiniń qaýlysy qabyldandy. Osyǵan sáıkes araqtarǵa jáne kúshtiligi joǵary lıker-araq buıymdaryna arnalǵan eń tómen bólshek saýda baǵasy lıtrine 1 980 teńge mólsherinde belgilendi», delingen habarlamada.
Qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa enedi.
Eske sala ketsek, elimizdi byltyr araq óndirý 14 paıyzǵa ósken.