Qazaqstanda araq óndirisi 95 paıyzǵa artty

ASTANA. QazAqparat - Bıylǵy qańtar-qazan aralyǵynda sýsyn óndirisiniń kólemi aqshalaı kólemde 623 661,5 mln teńgeni qurady. Ótken jyldyń sáıkes kezeńimen salystyrǵanda óndiris kólemi 8,9% artqan, dep habarlaıdy QazAqparat.

Ulttyq statbıýro málimetinshe, 10 aıdyń ishinde alkogolsiz 2 019 743,7 myń lıtr sýsyn óndirilip, ótken jyldyń sáıkes kezeńimen salystyrǵanda 8,8 paıyzǵa artqan.

Mıneraldy jáne gazdalǵan (qantsyz, hosh ıistendirilmegen) 555 096,3 myń lıtr sý óndirildi, bul ótken jyldyń 10 aıymen salystyrǵanda 2 paıyzǵa tómen.

Alkogol zaýyttary 10 aıda 49 513,1 myń lıtr araq óndirdi, bul ótken jyldyń sáıkes kezeńimen salystyrǵanda 95,5 paıyzǵa artyq.

Tabıǵı júzim sharabynyń óndirisi de 38,3% ósti – 24 340,4 myń lıtr.

Bul rette syra óndirisi tómendedi – 10 aıda 604 127,9 myń lıtr, bul ótken jylmen salystyrǵanda 1,8%-ǵa az.

Qazaqstanda sýsyn óndirisimen 47 kásiporyn aınalysady.