Qazaqstanda apta ishinde bolǵan kadrlyq taǵaıyndaýlar
Apta basynda Qýanyshbek Baqytbekuly Esekeev el Prezıdentiniń keńesshisi laýazymyna taǵaıyndaldy.
Qýanyshbek Esekeev 1975 jyly Almatyda dúnıege kelgen. ál-Farabı atyndaǵy Qazaq memlekettik ulttyq ýnıversıtetin qoldanbaly matematıka mamandyǵy boıynsha bitirgen, matematıka ǵylymdarynyń kandıdaty.
Eńbek jolyn 1998 jyly ál-Farabı atyndaǵy Qazaq memlekettik ýnıversıtetiniń aǵa oqytýshysy, «Málimet» kompıýterlik zerthanasynyń meńgerýshisi bolyp bastaǵan. 1998-2000 jyldary «Qazaqoıl» UMGK» JAQ bólim bastyǵy, aqparattyq tehnologııalar departamentiniń dırektory, tehnıkalyq qyzmet kórsetý basqarmasynyń bastyǵy; 2000-2002 jyldary «Qazaqstan temir joly» RMK bas ınjeneriniń keńesshisi, bas bólim bastyǵy, aqparattyq tehnologııalar departamentiniń dırektory; 2002-2004 jyldary QR Ekonomıka jáne bıýdjettik josparlaý mınıstrligi Aqparattandyrý jáne ınnovatsııalar departamentiniń dırektory, QR Qarjy mınıstrligi Aqparattyq tehnologııalar departamentiniń dırektory bolǵan.
2004-2007 jyldary – QR Aqparat jáne baılanys agenttigi tóraǵasynyń orynbasary; 2006-2007 jyldary – QR Aqparat jáne baılanys agenttigi tóraǵasynyń m.a.; 2007-2010 jyldary – QR Aqparat jáne baılanys agenttiginiń tóraǵasy; Sońǵy jyldary «Qazaqtelekom» AQ Basqarma tóraǵasy bolǵan.
Q. Esekeevtiń ornyna «Qazaqtelekom» AQ basqarma tóraǵasy qyzmetine burynǵy Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın taǵaıyndaldy.
Baǵdat Mýsın 2004 jyly Súleımen Demırel atyndaǵy ýnıversıtetinde «Esepteý tehnıkasyn baǵdarlamalyq jáne tehnıkalyq qamtamasyz etý» mamandyǵyn alyp shyqqan. 2006 jyly Qazaq quqyq jáne halyqaralyq qatynastar ınstıtýtyn zańger mamandyǵy boıynsha támamdaǵan. Eńbek jolyn 2004 jyly «Ulttyq aqparattyq tehnologııalar» AQ-da baǵdarlamalyq qamtamasyz etý jónindegi bas ınjener bolyp bastaǵan.
Ol 2007 jyldan 2020 jylǵa deıin QR Ádilet mınıstrliginde, QR Baılanys jáne aqparat mınıstrliginde, QR Bas prokýratýrasynda túrli memlekettik qyzmetterdi atqardy. 2014-2016 jyldary Baǵdat Mýsın «Qazposhta» kompanııasyn basqardy. Sondaı-aq QR Prezıdentiniń tsıfrlandyrý jáne ınnovatsııalyq tehnologııalar boıynsha keńesshisi boldy. Basqa da memlekettik laýazymdarda qyzmet atqardy. Sońǵy birneshe jylda — 2020 jyldan 2024 jylǵa deıin — Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstri qyzmetin atqardy. Sonymen qatar jeke kompanııalarda, onyń ishinde korporatıvtik venchýrlyq qorlardyń basshysy boldy.
QR Tótenshe jaǵdaılar mınıstrligi Órtke qarsy qyzmet komıteti tóraǵasynyń orynbasary qyzmetine azamattyq qorǵaý polkovnıgi Erlan Tóregeldıev taǵaıyndaldy.
Erlan Tóregeldıev 1980 jyly Semeı qalasynda dúnıege kelgen. Shákárim atyndaǵy Semeı memlekettik ýnıversıtetin jáne QR TJM Kókshetaý tehnıkalyq ınstıtýtyn bitirgen. Azamattyq qorǵaý organdarynda qyzmetin 2005 jyly Kýrchatov qalasy Tótenshe jaǵdaılar salasyndaǵy memlekettik baqylaý jáne qadaǵalaý bóliminiń ınjeneri laýazymynan bastady.
Ol 2020 jylǵa deıin Shyǵys Qazaqstan jáne Batys Qazaqstan oblystaryndaǵy TJM bólimshelerinde jumys istedi. 2020 jyldan bastap QR TJM Órtke qarsy qyzmet komıtetiniń Memlekettik órtti baqylaý jáne órtke qarsy normalaý basqarmasyn basqardy.
Óńirlerge oıyssaq, Abaı oblysy Din isteri basqarmasynyń basshysy bolyp Seıilbek Ysqaqov taǵaıyndaldy.
Seıilbek Ábıuruly Ysqaqov 1963 jyly 26 mamyrda Semeı oblysy Shubartaý aýdany Qosaǵash aýylynda dúnıege kelgen. Semeı zootehnıkalyq-veterınarlyq ınstıtýtyn «Veterınarııa» mamandyǵy, Ortalyq Azııa ýnıversıtetin «Quqyqtaný» mamandyǵy boıynsha bitirgen. Eńbek jolyn Semeı oblysy Shubartaý aýdany Bıdaıyq aýylynyń «Saryqamys» qoı sharýashylyǵynda bastady.
Ol 1987-1988 jyldary atalǵan qoı sharýashylyǵynyń meńgerýshisi, 1988-1994 jyldary brıgadasynyń brıgadıri bolyp eńbek etti. 1996-2000 jyldary – ShQO Aıagóz aýdanynyń «Shaǵyraı» JShS basshysy boldy. 2003-2006 jyldary – ShQO Aıagóz aýdany Bıdaıyq aýyldyq okrýginiń ákimi laýazymyn atqarǵan. 2006-2010 jyldary Aıagóz aýdany Aıagóz qalasynyń ákimi bolyp qyzmet etken. Ár jyldary Aıagóz qalasy Aıagóz aýdany ákiminiń orynbasary, Aıagóz aýdandyq máslıhatynyń hatshysy qyzmetterin atqardy. Osy laýazymǵa taǵaıyndalmas buryn Abaı oblysy «AMANAT» partııasy fılıalynyń atqarýshy hatshysy bolǵan.
Óskemen qalasynyń prokýrory bolyp Tımýr Chakpantaev taǵaıyndaldy.
Tımýr Qaıratuly Chakpantaev 1987 jyly Shyǵys Qazaqstan oblysynda dúnıege kelgen. Óskemendegi Qazaqstan-Amerıkalyq erkin ýnıversıtetin «zańger» mamandyǵy boıynsha, S.Amanjolov atyndaǵy ShQÝ-dy «ekonomıst» mamandyǵy boıynsha bitirgen. Eńbek jolyn 2011 jyly Rıdder qalalyq prokýratýrasynda bastaǵan.
Ár jyldary Rıdder qalasy prokýrorynyń kómekshisi, Óskemen qalasy prokýrorynyń kómekshisi, ShQO prokýratýrasynyń prokýrory, mamandandyrylǵan tabıǵatty qorǵaý prokýrorynyń aǵa kómekshisi, Shyǵys Qazaqstan oblysy prokýrorynyń aǵa kómekshisi, Glýbokoe aýdany prokýrorynyń orynbasary, Óskemen qalasy prokýrorynyń orynbasary bolyp qyzmet etken. Osy laýazymǵa deıin Aqmola oblysynyń mamandandyrylǵan tabıǵat qorǵaý prokýrory bolǵan.
Jambyl oblysy ákimdigi aýyl sharýashylyǵy basqarmasynyń basshysy bolyp Qaırat Esenuly Kóshenov taǵaıyndaldy.
Qaırat Esenuly 1984 jyly dúnıege kelgen. S.Seıfýllın atyndaǵy Qazaq agrotehnıkalyq ýnıversıtetin «veterınarlyq sanıtarııa» mamandyǵy boıynsha bitirgen. Eńbek jolyn 2007 jyly Almaty qalasyndaǵy «Sýlpak» TsRTK» JShS-de merchendaızer bolyp bastaǵan.
Ár jyldary QR AShM AÓK MIK Aqmola oblysy Eńbekshilder aýdandyq aýmaqtyq ınspektsııasynyń bas mamany, Aqmola oblysy ákimdigi aýyl sharýashylyǵy basqarmasynyń bas mamany, bólim basshysy boldy. 2023 jyldyń mamyr aıynan bastap QR Aýyl sharýashylyǵy mınıstrligi Mal sharýashylyǵy salalaryn damytý basqarmasynyń basshysy qyzmetin atqardy.
Qyzylorda oblysy ákiminiń orynbasary qyzmetine Shahmardan Asqaruly Baımanov taǵaıyndaldy. Ol qoǵamdyq damý, mádenıet, dene shynyqtyrý jáne sport, bilim, din jáne jastar isi máselelerine jetekshilik jasaıdy.
Shahmardan Asqaruly Baımanov Qorqyt Ata atyndaǵy Qyzylorda memlekettik ýnıversıtetin «qarjy jáne qarjylyq quqyq» mamandyǵy boıynsha bitirgen. QR Prezıdenti janyndaǵy Memlekettik basqarý akademııasy memlekettik saıasattyń ulttyq mektebiniń «saıasattaný» mamandyǵy boıynsha túlegi, áleýmettik bilim magıstri.
Ol ár jyldary úkimettik emes uıymdar men jastar birlestikterinde joǵary basshylyq laýazymǵa deıingi joldan ótti. 2012-2017 jyldary Aqmola oblysynyń jastar saıasaty máseleleri basqarmasynyń basshysy, respýblıkalyq «Jas Otan» jastar qanatynyń tóraǵasy bolǵan. 2017-2022 jyldary Qyzylorda qalasy ákiminiń orynbasary, Aqparat jáne qoǵamdyq damý mınıstrligi Jastar jáne otbasy isteri komıteti tóraǵasynyń orynbasary, komıtet tóraǵasy laýazymdaryn abyroımen atqarǵan. 2022 jyldyń sáýir aıynan Qyzylorda oblysy ákimi apparatynyń basshysy qyzmetin atqaryp keledi.
Sondaı-aq, Qyzylorda oblysynyń kásipkerlik jáne ónerkásip basqarmasynyń jańa basshysy taǵaıyndaldy. Bul qyzmetke Bekbolat Sháripbekov keldi.
Bekbolat Sháripbekov 1973 jyly Qyzylorda oblysynda dúnıege kelgen. Qyzylorda agroónerkásip óndirisi ınjenerleri ınstıtýtyn «agroónerkásip salalaryn basqarý jáne onyń ekonomıkasy» mamandyǵy boıynsha bitirgen. Eńbek jolyn 1990 jyly «Kelintóbe» kúrish keńsharynyń jumysshysy bolyp bastaǵan.
1999-2010 jyldary Kelintóbe aýyldyq okrýgi ákimi apparatynda, Jańaqorǵan aýdany jáne Túrkistan qalasy boıynsha salyq komıtetterinde túrli deńgeıdegi laýazymdarda qyzmet atqarǵan. 2010-2018 jyldary Qyzylorda oblysy boıynsha qarjylyq baqylaý ınspektsııasynyń bas mamany-memlekettik aýdıtory, bólim basshysy-memlekettik aýdıtory bolǵan.
2018-2020 jyldary Qyzylorda qalasynyń Qaraýyltóbe aýyldyq okrýginiń ákimi bolsa, 2020-2022 jyldary Qyzylorda oblysy boıynsha ishki memlekettik aýdıt departamentiniń bólim basshysy qyzmetin atqardy. 2022 jyldyń shilde aıynan bastap osy kezge deıin Jańaqorǵan aýdany ákiminiń orynbasary qyzmetin atqaryp keldi.
Qyzylorda oblysy Jańaqorǵan aýdanynyń ákimi qyzmetine Májıt Samıtov taǵaıyndaldy.
Májıt Samıtuly 1985 jyly Jańaqorǵan aýdanynda dúnıege kelgen. ál-Farabı atyndaǵy Qazaq ulttyq ýnıversıtetin «zańtaný», Qorqyt ata atyndaǵy Qyzylorda memlekettik ýnıversıtetin «ekonomıka» mamandyqtary boıynsha bitirgen. Eńbek jolyn 2007 jyly Qyzylorda qalasy prokýrorynyń kómekshisi bolyp bastaǵan.
2010-2015 jyldary Qyzylorda oblystyq prokýratýrasynyń basqarma prokýrory, aǵa prokýrory qyzmetterin atqarǵan. 2015-2017 jyldary QR Bas prokýratýrasynyń birinshi departamentiniń prokýrory, aǵa prokýrory bolǵan. 2017-2019 jyldary Qarmaqshy aýdany ákiminiń orynbasary, Qyzylorda oblysy ákiminiń kómekshisi qyzmetterin atqarǵan.
2019-2022 jyldary Prezıdent Ákimshiligi basshysynyń hatshylyǵy meńgerýshisiniń orynbasary, QR Memlekettik hatshysy hatshylyǵynyń meńgerýshisi boldy. 2022 jyldyń maýsym aıynan QR Memlekettik keńesshisi hatshylyǵynyń meńgerýshisi saıası qyzmetin atqaryp keldi.
Pavlodar oblysy aýyl sharýashylyǵy basqarmasynyń basshysy retinde Darhan Doşanov taǵaıyndaldy.
Darhan Tóleýuly Doşanov 1976 jyly týǵan, joǵary bilimdi. Innovatsııalyq Eýrazııa ýnıversıtetin «agronomııa» jáne «quqyqtaný» mamandyqtary boıynsha aıaqtaǵan.
Memlekettik qyzmettegi eńbek jolyn 2012 jyly Aqtoǵaı aýdanynyń kásipkerlik jáne aýyl sharýashylyǵy bóliminiń bas mamany bolyp bastaǵan. Ártúrli laýazymdarda, sonyń ishinde bólim basshysy bolyp qyzmet etti. Osy laýazymǵa taǵaıyndalǵanǵa deıin 2021 jyldan bastap Aqtoǵaı aýdany Aqjol aýyl okrýginiń ákimi qyzmetin atqardy.