Qazaqstanda ań aýlaǵan Arab Ámirlikteriniń 4 azamaty ustaldy

ASTANA. QazAqparat - Jambyl men Ońtústik Qazaqstan oblystarynyń shekarasyndaǵy Aqtóbe aýylynyń mańynda zańsyz ań aýlaǵan Birikken Arab Ámirlikteriniń 4 azamaty men 2 jergilikti turǵyn ustaldy. Bul týraly aqparatty QR AShM Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet Feısbýktegi paraqshasynda jarııalady, dep habarlaıdy «QazAqparat» HAA tilshisi.

«12 qazanda Jambyl oblysynyń «Ohotzooprom» ÓB» RMQK tirek beketiniń ınspektorlar toby Jambyl oblysynyń orman sharýashylyǵy men janýarlar álemi aýmaqtyq ınspektsııasy reıd júrgizgen. Reıd barysynda tabıǵat qorǵaýshylary Ońtústik Qazaqstan oblysy men Jambyl oblysynyń shekarasyndaǵy Aqtóbe aýylynyń mańynda Birikken Arab Ámirlikteriniń 4 azamatyn qolǵa túsirdi. Olardyń qasynda taǵy 2 jergilikti turǵyn bolǵan. Olar Nıssan Patrol men Toıota Land Krýzer Prado avtokólikterimen júrgen. Tekserý barysynda ustalǵandardyń avtokólikterinen 4 suńqar, Qyzyl Kitapqa engizilgen 1 bezgeldek, 2 shil men 2 qoıan tabyldy», - dep jazady Sáken Dildahmet.

Berilgen málimetke sáıkes, oqıǵa ornyna Sarysý ІІB-niń jedel-tergeý toby shaqyrylǵan. Qazirgi ýaqytta zań buzýshylardyń kim ekeni anyqtalý ústinde.