Qazaqstanda alıment qory qurylýy múmkin

<p>ASTANA. KAZINFORM &ndash; Qazaqstanda alıment qoryn qurý múmkindigi qarastyrylady. Bul týraly búgin Parlament Senatyndaǵy Úkimet saǵatynda QR Premer-Mınıstriniń orynbasary Tamara Dúısenova málim etti.</p>

Premer-Mınıstrdiń orynbasary Tamara Dúısenova ajyrasqan áıelderdiń balalaryna arnalǵan alımentter qoryn qurý múmkindigine qatysty túsinikteme berdi.

«Bul máseleni Ádilet mınıstrligi qarastyryp jatqanyn bilemin. Men muny usynys retinde qabyldap, quqyq qorǵaý blogymen jáne Ádilet mınıstrligimen birge zerttep, qosymsha aqparat bereıin», - dedi Tamara Dúısenova Senat qabyrǵasynda BAQ ókilderiniń saýalyna jaýap bere turyp.

Sondaı-aq vıtse-premer atalǵan máseleni zertteýge ýáde berdi.

«Belitinim, belgili bir top bul suraqpen aınalysty. Biraq olar qandaı mámilege keldi, naqty nemen aınalysqany týraly qazir jaýap bere almaımyn. Sondyqtan men olardyń nemen aınalysqanyn naqtylaýym kerek. Álemde mundaı tájirıbe bar, ony zerttep, bizdiń elimiz úshin qanshalyqty tıimdi ekenin kórý kerek», - deıdi ol.

Buǵan deıin Úkimet basshysynyń orynbasary qosylǵan qun salyǵy qaıta qaralyp jatqany týraly habarlaǵan edi.