Qazaqstanda alǵashqy tsıfrlyq partııa jumysyn bastady

NUR-SULTAN. QazAqparat - Qazaqstan Kommýnıstik Halyq partııasynyń E-Party.kz jobasy jedel basqarýdyń zamanaýı tehnologııalary, óńirler boıynsha belsendilik monıtorıngi, zertteý júrgizý, sondaı-aq partııanyń áleýmettik lıftilerin qurý múmkindikterin biriktirdi.

Alǵashqy tsıfrlyq partııanyń platformasynda vebınarlar, Telegram-bot arqyly qashyqtan daýys berý múmkindigi, testileýden ótý, ǵylymı jáne áleýmettik zertteýlerge qatysý, atqarylǵan jumystar týraly turaqty esepter jasaý múmkindigi qoljetimdi bolady. Budan bólek, alǵashqy tsıfrlyq partııanyń formatynda Telegramm arqyly suraqtar qoıýǵa jáne kún tártibi boıynsha daýys berýge múmkindik bar. Oqýdy aıaqtaǵannan keıin, 2020 jyldyń sońyna qaraı aımaqtyq reıtıng júıesi engiziledi. Jobaǵa tirkelý partııa bıletiniń nómirimen júzege asyrylady. Ony JSN sekildi sáıkestendirý nómiri dep qarastyrsa da bolady.

Platforma damyǵan saıyn árbir partııa múshesi óziniń partııalyq qyzmetin, onyń ishinde eriktiler men partııalyq jobalar arqyly jınalǵan bonýstyq upaılarynyń reıtıngin kóre alady.

Belgili bir bonýstar jınaqtalǵannan keıin kitaphanaǵa qol jetimdilik, mamandandyrylǵan partııalyq oqýǵa, onyń ishinde «Citadel.Academy» platformasynyń kásibı kýrstarynda grantpen oqýǵa, sonymen qatar magıstr baǵdarlamalaryna daıyndyq, sheteldik taǵylymdamalarǵa qatysý, partııanyń kadrlyq rezervine ený múmkindigi ashylady. Kóshbasshylyq áleýet pen basqarýshylyq qabiletterdiń bolýyna baılanysty profıldi testileý nátıjeleri boıynsha kadrlyq rezerv úshin jeke damý jospary usynylǵan.

«Qazaqstannyń birinshi tsıfrlyq partııasy jobasy bizge ortalyq pen óńirler arasyndaǵy jedel baılanysty qamtamasyz etýge, aımaqtardan shyqqan talantty jastarǵa áleýmettik lıftter qalyptastyrýǵa, sondaı-aq Kommýnıstik Halyq partııasynyń kadrlyq rezervin arttyrýǵa múmkindik beredi. E-Party.kz júıesi úsh qaǵıdatqa negizdelgen: ádilettilik, qolaılylyq jáne anyqtyq. Bul tásil partııalyq kareraǵa yqpal etedi jáne partııa múshelerine úzdiksiz bilim alý arqyly ózderiniń damý múmkindikterin kórýge jol ashady», - deıdi QKHP OK Hatshysy, «Halyq kommýnısteri» fraktsııasynyń jetekshisi, Májilis depýtaty Aıqyn Qońyrov.

Aıta ketý kerek, Qazaqstan Kommýnıstik Halyq partııasynyń basshylyǵy tsıfrlyq quraldarmen jumys jasaýǵa kóp kóńil bóledi. Mysaly, Jeńis kúni qarsańynda QKHP 1945.kz tsıfrlyq estelikter kitabyn iske qosty. Qazaqstandyqtar bul jobany jaqsy qabyldap, joǵary baǵa berdi.

Qazaqstandaǵy alǵashqy tsıfrlyq partııa jobasynan basqa, QKHP jyl sońyna deıin barlyq qazaqstandyqtar úshin bilim berý jáne áleýmettik máselelerdi sheshý salasynda birneshe iri jobalardy júzege asyrýdy josparlap otyr.

QKHP basshylyǵymen suhbat alý jáne qosymsha materıaldar boıynsha saıası keńesshi Assol Mırmanovaǵa habarlasýǵa bolady: [phone] (What’sApp), Telegram - @redheadangel, e-mail: [e-mail], [e-mail]