Qazaqstanda alǵashqy áskerı daıarlyq oqý baǵdarlamasy qaıta qaralmaq

NUR-SULTAN. QazAqparat – QR Premer-Mınıstriniń orynbasary Eraly Toǵjanov alǵashqy áskerı daıarlyq sabaǵynyń mártebesin kóterý is-sharalary jaıynda aıtyp berdi, dep habarlaıdy QazAqparat tilshisi.

«Alǵashqy áskerı jáne tehnologııalyq daıyndyq» pániniń oqytý júktemesi retinde 10-synypta aptasyna 1 saǵat, al oqý jylynda 34 saǵat bolyp bekitilgen. 11-synypta da osyndaı júkteme eskerilgen.

Praktıkalyq daǵdylaryn damytý maqsatynda 10-synyp oqýshylary úshin oqý jylynyń aıaǵynda bes kúndik dalalyq oqý-jattyǵý ótedi.

«Qazirgi kezde alǵashqy áskerı jáne tehnologııalyq daıyndyq» pániniń oqý baǵdarlamasyn qaıta qarastyrý máselesi pysyqtalyp jatyr. Onyń ishinde dalalyq oqý-jattyǵýǵa qatysty is-sharalardy ózgertý de eskerilgen», - dep jazdy E. Toǵjanovtyń depýtattyq saýalǵa jaýap bere otyryp.

Sonymen qatar alǵashqy áskerı daıarlyq kabınetin materıaldyq-tehnıkalyq jabdyqtaý maqsatynda Bilim mınıstrligi buıryǵyna ózgertý engizilgen. Osy oraıda áskerı daıarlyq kabınetterin oqytý materıaldarymen qamtamasyz etý eskerilgen.

Budan buryn habarlanǵandaı, elimizde dene shynyqtyrýdy sabaǵynda baǵalaý júıesi ózgertilmek.