Qazaqstanda alǵash ret uıqy beziniń obyry bar naýqasqa ota jasaldy

ASTANA. QazAqparat – Qazaqstanda alǵash ret jergilikti damyǵan uıqy bezi obyry bar naýqasqa tehnıkalyq jaǵynan óte kúrdeli, biregeı operatsııa jasaldy, dep habarlaıdy QazAqparat Densaýlyq saqtaý mınıstrliginiń resmı saıtyna silteme jasap.

Bul – uıqy beziniń dıstaldy rezektsııasy, DP-CAR mańyzdy dińiniń rezektsııasy (Distal Pancreatectomy with Celiac Axis Resection), operatsııa A. Syzǵanov atyndaǵy UǴHO klınıkasynda júrgizildi.

40 jastaǵy patsıentte negizgi dińinge, kókbaýyr arterııasyna ósken uıqy beziniń denesi men quıryǵynyń ortasha saralanǵan adenokartsınomasy dıagnozy boldy.

Ótken jyldyń sáýir aıynda ish qýysynyń KT negizinde bul dıagnoz alǵash ret qoıyldy, sodan keıin naýqas onkologke konsýltatsııaǵa jiberildi. Іsiktiń negizgi dińge taralýyn eskere otyryp, bul jaǵdaıǵa operatsııa jasalmaıdy dep tanyldy, uıqy bezi isiginen bıopsııa alyndy. Gıstologııalyq zertteýde mynalar anyqtaldy: uıqy beziniń joǵary saralanǵan adenokartsınomasy (G1), polıhımıoterapııa usynylady.

Patsıent OTUǴO jaǵdaıynda polıhımıoterapııanyń 9 kýrsyn, sondaı-aq Almaty qalasyndaǵy QazORǴZI jaǵdaıynda sáýlelik terapııanyń 27 seansyn aldy. PHT jáne sáýlelik terapııa aıasynda oń dınamıka baıqaldy, isik mólsheri azaıdy.

Sodan keıin naýqas A. Syzǵanov atyndaǵy UǴHO-ǵa jiberildi., m.ǵ.d., professor B.B. Baımahanov konsýltatsııa berdi, sondaı-aq mýltıdıstsıplınarlyq toptyń konsılıýmy quryldy. PHT-ǵa oń jaýapty eskere otyryp, kólemde jedel emdeý usynyldy - uıqy beziniń dıstaldy rezektsııasy, negizgi dińiniń rezektsııasy.

Medıtsına ǵylymdarynyń doktory, professor Bolatbek Baımahanov ózi laparotomııa, splenektomııamen negizgi dińdi rezektsııalaýmen jáne protezdeýmen (DP-CAR) uıqy beziniń dıstaldy rezektsııasyn, sol jaq adrenalektomııasyn oryndap, naýqasqa operatsııa jasady.

Operatsııadan keıingi kezeń asqynýsyz ótti, naýqas operatsııadan keıingi 12-kúni qanaǵattanarlyq jaǵdaıda shyǵaryldy.

Uıqy beziniń obyrymen aýyratyn naýqastardyń 30%-ynda isik uıqy bezinen tys taralatyn jáne negizgi dińdi nemese joǵarǵy shajyrqaı arterııasyn qamtıtyn, biraq jekelegen metastazsyz jergilikti taralý baıqalady. Bul isikterde DP-CAR operatsııa aldyndaǵy nıýadıývat hımıoterapııasy men sáýlelik terapııanyń kombınatsııasymen jasalady.

DP-CAR – tehnıkalyq turǵydan óte kúrdeli operatsııa bolyp sanalady, búkil álemde óte sırek oryndalady. DP-CAR jergilikti damyǵan uıqy bezi obyry bar patsıentter úshin ómir súrýdiń artyqshylyǵyn usynady.