Qazaqstanda alǵash ret sybaılas jemqorlyqqa qarsy qyzmet organdarynyń kúni atalyp ótti
Bul kún aıtýly tarıhı oqıǵany beıneleıdi – 2014 jyly osy kúni ulttyq zańnamaǵa alǵash ret «sybaılas jemqorlyqqa qarsy qyzmet organdary» uǵymy engizildi.
2019 jyly Prezıdenttiń Jarlyǵymen Prezıdentke tikeleı esep beretin derbes quqyq qorǵaý organy - Sybaılas jemqorlyqqa qarsy is-qımyl agenttigi quryldy.
Sonymen qatar, aıtýly kúni Memleket basshysynyń sybaılas jemqorlyqqa qarsy ymyrasyz jáne qaǵıdatty kúres júrgizý boıynsha qoıǵan mindetterin sheshýge arnaıy qabiletti kásibı organ quryldy.
Osy oraıda, Sybaılas jemqorlyqqa qarsy is-qımyl agenttiginde jeke quramnyń, Qoǵamdyq keńes músheleriniń, sala ardagerleriniń qatysýymen saltanatty is-shara ótti. Іs-shara aıasynda úzdik qyzmetkerler sybaılas jemqorlyqqa qarsy kúres pen zańdylyqty nyǵaıtýǵa qosqan eleýli úlesi úshin vedomstvolyq nagradalarmen marapattalyp, kópjyldyq kásibıligi men adaldyǵy jas qyzmetkerlerge úlgi bolǵan qyzmet ardagerlerine erekshe alǵys aıtyldy.
Dına Ǵalymjanqyzy