Qazaqstanda alǵash ret kún elektr stansasyn salýǵa aýktsıon ótip jatyr
24 qyrkúıekte ońtústik aımaqta jalpy belgilengen qýaty 20 MVt kún elektr stantsııasynyń qurylysyna jańartylatyn energııa kózderi jobalaryn irikteý boıynsha aýktsıon ótti.
Saýda-sattyqqa qatysýǵa 8 kompanııaǵa ruqsat berildi, qatysýshylar 58 baǵa usynysyn berdi. Berilgen ótinimderdiń jıyntyq kólemi — 160 MVt.
KES jobalaryn irikteý boıynsha saýda kezinde 2024 jylǵy shekti aýktsıondyq baǵa 34,61 teńge/kVtsaǵ (QQS-syz) boldy.
Aýktsıon barysynda qatysýshylardan túsken ótinimder 34,61 teńge/kVtsaǵattan 14.95 teńge/kVtsaǵatqa (QQS-syz) deıingi baǵa aýqymyn qurady. KES salý jobalaryn irikteý boıynsha baǵanyń bastapqy aýktsıondyq baǵadan tómendeýi 56,81%-dy qurady.
Aýktsıon qorytyndysy boıynsha «Ajýr» JShS kompanııasy jeńimpaz dep tanyldy. Jobanyń belgilengen qýaty — 20 MVt, aýktsıon baǵasy — 14.95 teńge/kVtsaǵ (QQS-syz).
Jobany Jetisý oblysynda ornalastyrý josparlanyp otyr.
Saýda-sattyqqa Energetıka mınıstrligi, «EcoJer» qazaqstandyq ekologııalyq aımaqtyq bastamalar qaýymdastyǵy» ZTB, «Atameken» UKP, USAID jáne AHQO ókilderi baqylaýshy retinde qatysty.
Baqylaýshylar aýktsıonnyń bekitilgen normatıvtik quqyqtyq aktilerge saı ótkenin atap ótti, sonymen qatar aýktsıondy uıymdastyrýshy — «KOREM» AQ elektrondy saýda júıesiniń ashyqtyǵyn rastady.
Aıta keteıik, osyndaı saýda-sattyq keshe de ótken bolatyn.
Aýktsıon barysynda qatysýshylardan túsken ótinimderdiń baǵa aýqymy 34,61 –15.93 teńge/kVtsaǵ (QQS-syz) aralyǵyn qamtydy. KES salý jobalaryn irikteý boıynsha baǵa bastapqy aýktsıondyq baǵadan 53,97% tómendedi.
Onyń qorytyndysy boıynsha jobanyń belgilengen qýaty 100 MVt, aýktsıon baǵasy 15.93 teńge/kVtsaǵ (QQS-syz) «Damona» JShS kompanııasy jeńimpaz bolyp anyqtaldy.
Joba Almaty oblysynda iske asady.
Qýaty 20 MVt KES salý jobalaryn irikteý boıynsha kelesi aýktsıon 25 qyrkúıekke josparlanǵan.