Qazaqstanda alǵash ret QR Áskerı-áýe kúshteriniń avıabazalarynda avıatsııalyq nysanashylardyń kýrstyq daıyndyǵy ótti

ASTANA. QazAqparat - Alǵash ret Qazaqstan Áskerı-áýe kúshteriniń avıatsııalyq bazalarynda QR QK áýeden qoldaý baqylaýshylaryn oqytýdyń óńirlik qaǵıdaty boıynsha ozyq avıatsııalyq dáldeýshilerdiń kýrstyq daıarlyǵy aıaqtaldy, dep habarlady vedomstvonyń baspasóz qyzmetinen.

Bul kýrstar jyl saıyn tasymaldanatyn baılanys quraldarymen jumys jasaý sapasyn arttyrý, jumys kartasynda koordınatalardy anyqtaý jáne jerde baǵdarlaý, sondaı-aq avıatsııalyq bólimshelerge jetekshilik etýde durys dıktsııany pysyqtaý úshin ótkiziledi.

Osy qasıetter áýe jáne jerústi operatsııalardy ótkizý kezinde kiriktirýdi jetildirý úshin qajet. Kýrstyq daıyndyqty uıymdastyrý jáne ótkizý úshin QR QK ÁQK bas qolbasshysy basqarmasy bas shtabynyń oqytýshy-nusqaýshylar quramy tartyldy.

Kýrstyq daıyndyqqa oqyp-úırenýshiler retinde Ulttyq ulan, Qurlyq áskerleri jáne QR QK ÁQK Parashıýttik daıarlyq ortalyǵynyń áskerı qyzmetshileri tartyldy.

Kýrstyq daıyndyqtyń qorytyndysy boıynsha QR túrleri men ásker tekteri jáne áskerı quralymdary úshin 64 áskerı qyzmetshi daıyndaldy. Onyń ishinde Áýe qorǵanysy kúshterine arnalǵan mamandar - 16 adam, Qurlyq áskerleri - 18 adam, Áskerı-teńiz kúshteri - 3 adam, 14776 áskerı bólimi - 19 adam jáne Ulttyq ulan - 8 adam.
«2016 oqý jylynda ozyq avıatsııalyq nysanashylardyń kýrstyq daıarlyǵy 2016 oqý jylyna arnalǵan Qazaqstan Respýblıkasy Qarýly Kúshteriniń basqarý organdaryn, quramalary men bólimderin daıarlaý josparyna jáne QR QK ÁQK bas qolbasshysynyń buıryqtaryna sáıkes ótkizilip jatyr», - delingen habarlamada.