Qazaqstanda alǵash ret qansha kún tursa da buzylmaıtyn jumyrtqa shyǵarylady

<p>ASTANA. KAZINFORM — Quny 12,5 mlrd teńge bolatyn iri jobany Aqmola oblysynda «CAPITAL projects LTD» JShS iske asyryp jatyr. </p>

Kásiporyn «Shańyraq» kompanııalar tobyna kiredi, onda taýyq eti men jumyrtqa óndirisiniń tolyq tsıkli iske asyrylady.

Zaýyt jańa shyǵarylǵan taýyq jumyrtqalarymen salystyrǵanda saqtaý merzimi uzaǵyraq, aspazdyq jáne sapalyq sıpattamalary jaqsyraq qaýipsiz pasterlengen suıyq jáne qurǵaq jumyrtqa óndirýge mamandanady.

Kásiporynnyń qýaty-  táýligine 1 mln jumyrtqa.

Jobany iske asyrý úshin kompanııa jumyrtqa ónimderin óndirýde álemdik kóshbasshy — Thornico (Sanovo) kompanııasymen kelisimge qol qoıdy.

Budan basqa, jobany qarjylandyrýǵa memlekettik qoldaý sharalary paıdalanylady.

Jumyrtqa óndirisinen basqa, zaýyt qurama jem óndirý úshin aýyl sharýashylyǵy daqyldaryn ósirýmen aınalysady.

Qazirgi ýaqytta maıly daqyldardy qaıta óńdeý jelisiniń qurylysy júrgizilýde, bul jemshóp óndirisin 25% arzandatýǵa múmkindik beredi.

Aıta keteıik, bıyl Qazaqstanda iske asyrýǵa josparlanǵan 335 jobanyń 66,5 mlrd teńge somasyna 82 joba iske qosyldy.

Jańa jumyrtqa zaýytynyń qurylysy eldiń agroónerkásiptik sektoryn damytýǵa eleýli úles bolady.