Qazaqstanda alǵash ret iri qara mal tuqymdary kórmege shyǵaryldy

AQKÓL. QazAqparat – Aýyl sharýashylyǵy tehnıkasy kórmesi aıasynda alǵash ret iri qara mal kópshilikke usynyldy. Tolyǵyraq «Jańa Dala/Green Day» dala kúni mamandandyrylǵan kórmesin uıymdastyrýshy Ádilhan Saǵynbaev aıtyp berdi, dep habarlaıdy QazAqparat tilshisi.

«Jańa Dala/Green Day» dala kúni mamandandyrylǵan kórmesi onynshy ret ótip otyr. Bıylǵy jańashyldyq - kórmege iri qara mal jáne onyń ónimderi shyǵarylady. Buǵan deıin pandemııa boldy da, iri qarany tasymaldaý qaýipti boldy. Sońǵy eki jylda elimizde sút jáne sút ónimderi salasy qarqyndy damyp keledi. Іri qara maldy kórmege shyǵarý úshin sharýalar elimizdiń túkpir-túkpirinen ózderi alyp keldi», - deıdi Ádilhan Saǵynbaev.

Onyń aıtýynsha, halyqaralyq kórmege qazaqtyń aqbas sıyry, otandyq angýs, Áýlıekól tuqymy boıynsha Sharole, Lımýzın, Obrak, Gereford sıyrlar da bar.

Aıta keteıik, búgin-erteń Aqmola oblysynda dástúrli «Jańa Dala/Green Day» dala kúni mamandandyrylǵan kórmesi ótip jatyr.

Bıylǵy sharaǵa 19 elden 150 agrarlyq kásibı kompanııa tirkelgen.

Atap aıtqanda, Avstrııa, Belarýs, Germanııa, Ispanııa, Italııa, Kanada, Qytaı, Qyrǵyzstan, Nıderland, Polsha, Reseı, Serbııa, AQSh, Túrkııa, Fınlıandııa, Frantsııa, Ózbekstan, Ýkraına, Chehııa jáne taǵy basqalar.

Kórme qatysýshylary aýyl sharýashylyǵy tehnologııalary, selektsııalyq jetistikter men mal sharýashylyǵy salasyndaǵy sońǵy ónimderdi usynýda.