Qazaqstanda alǵash ret «elektrondy qylmystyq is» qaraldy

ASTANA. QazAqparat - Shymkent qalasynyń Abaı aýdandyq sotyna Qazaqstan Respýblıkasy Qylmystyq kodeksiniń 188-baby 2-bóliginiń 3-tarmaǵyna sáıkes aıyptalǵan sottalýshy A.-ǵa qatysty qylmystyq is elektrondy nysanda kelip tústi, dep habarlaıdy QazAqparat QR Joǵarǵy sotynyń baspasóz qyzmetine silteme jasap. 

Іs materıaldaryna súıensek, sottalýshy A. 2017 jylǵy 20 jeltoqsanda saǵat 16-00-der shamasynda bótenniń múlkin jymqyrý maqsatynda jábirlenýshiniń úıine kirip, quny 30 000 teńge turatyn jylytqyshty urlap, oqıǵa ornynan boı tasalaǵan.

Basty sot talqylaýy barysynda taraptar tatýlasty.

Sot jábirlenýshimen tatýlasyp, zalaldyń ornyn toltyrýyna baılanysty A.-ny qylmystyq jaýaptylyqtan bosatty. Qylmystyq is júrgizý toqtatyldy.

Qylmystyq isti elektrondy nysanda júrgizý tergeý merzimin qysqartyp, materıaldardy burmalaý yqtımaldyǵyn azaıtyp, is qujattaryna onlaın rejımde qol jetkizý múmkindigin arttyryp, dálelderdi jınaý jáne protsestik qujattardy daıyndaý rásimin jeńildetedi.

Eske sala keteıik, 2017 jylǵy 21 jeltoqsanda Qazaqstan Respýblıkasynyń Qylmystyq-protsestik kodeksine qylmystyq sot isin qaǵaz jáne elektrondy túrde júrgizýge múmkindik beretin «Qylmystyq sot isin júrgizý formaty» atty 42-1-bap engizildi.