Qazaqstanda alǵash ret balalar aýrýhanasynda oıyn alańy ashyldy

<p>ATYRAÝ. KAZINFORM &mdash; Atyraý oblystyq balalar aýrýhanasyndaǵy bes bólimshede kámeletke tolmaǵan naýqastar úshin oıyn alańy ashyldy. Oǵan demeýshilik kómekpen 4 mln teńgege jýyq qarjy jumsalǵan.</p>

Atyraý oblystyq densaýlyq saqtaý basqarmasynyń baspasóz qyzmetinen málimetinshe, balalar aýrýhanasynda jylyna 7 myńǵa jýyq naýqas qabyldanady.

Naýqas balalardyń 70 paıyzy — shuǵyl, al, 30 paıyzy — josparly emdelý maqsatynda túsedi.

«Balalary em alatyn ata-analar tarapynan kóptegen usynys túsip júr. Soǵan baılanysty oıyn alańdary oblystyq balalar aýrýhanasynyń travmatologııa, pedıatrııa, hırýrgııa, nevrologııa, reabılıtatsııa jáne otorınolarıngologııa bólimshelerinde jabdyqtaldy», -dep habarlady basqarmanyń baspasóz qyzmeti.

Foto: Atyraý óńirlik kommýnıkatsııalar qyzmeti

Demeýshi kompanııanyń bas dırektory Álııa Jaqsylyqovanyń aıtýynsha, oıyn alańdaryn jabdyqtaý jumysy qazan aıynda bastalǵan.

«Bul — bizdiń qaıyrymdylyq sharamyz. Aýrýhanada emdeletin balalardyń oılaý qabiletin damytýǵa úlse qosyqymyz keldi. Sol maqsatpen oıyn alańdary balalardyń aqyl-oıyn jetildirýge qajetti qural-jabdyqtarmen qamtamasyz etildi», -deıdi Álııa Jaqsylyqova.

Onyń aıtýynsha, oıyn alańdaryna kúrdeli jóndeý júrgizip, qural-jabdyqtarmen qamtýǵa 4 mln teńgege jýyq qarjy jumsalǵan.

Eske sala ketelik, budan buryn Atyraýdaǵy jarylystan zardap shekken eki balanyń jaǵdaıy áli de aýyr ekenin ​​​​​​​jazǵan edik.