Qazaqstanda áleýmettik mańyzdaǵy azyq-túlikke baǵany kóterýge shekteý qoıylady
Zań jobasy tutynýshylardyń quqyqtaryn qorǵaý jónindegi qoǵamdyq birlestikterdi jáne ózin-ózi retteıtin uıymdardy tutynýshylar daýlaryn sotqa deıingi retteý máselelerine belsendi tartýǵa; tutynýshylardyń qoǵamdyq birlestikteriniń qoǵamdyq baqylaýdy júzege asyrýyna; tutynýshylardyń quqyqtaryn qorǵaýdyń biryńǵaı aqparattyq júıesin qurýǵa; Qazaqstan Respýblıkasynyń tutynýshylardyń quqyqtaryn qorǵaý týraly zańnamasynyń saqtalýyna memlekettik baqylaýdy engizýge; tutynýshylardyń quqyqtaryn qorǵaý salasyndaǵy ýákiletti organnyń memlekettik organdar qyzmetin úılestirýshi retinde rólin, onyń ishinde Tutynýshylardyń quqyqtaryn qorǵaý jónindegi vedomstvoaralyq keńes qurý arqyly kúsheıtýge baǵyttalǵan.
Depýtat Merýert Qazbekovanyń sózine qaraǵanda, depýtattar ishki saýda sýbektileriniń ózderi áleýmettik mańyzy bar azyq-túlik taýarlaryn ótkizgen kezde saýda ústemesin óndirýshiler men kóterme saýda arqyly berýshiler baǵalarynyń 15 paıyzyna deıin shekteýi boıynsha normalardy qarastyrdy. Bul talaptar buzylǵan jaǵdaıda ákimshilik jaýaptylyq kózdeledi.
«Bul normalar áleýmettik mańyzdaǵy azyq-túlik taýarlary baǵysynyń ósýin tejeýge múmkindik beredi. Osy oraıda birinshi kezekte qajetti sanalatyn un, jumyrtqa, kúnbaǵys maıy, tuz jáne basqa da ónimderdi qamtıtyn 19 pozıtsııa qamtylǵan», - dedi depýtat.
Budan basqa, saýda bazary ákimshisiniń fýnktsıonaldyq mindetteri belgilendi. Osy oraıda bazar ákimshisiniń áleýmettik mańyzy bar azyq-túlik taýarlaryna belgilengen shekti baǵalar týraly ishki saýda sýbektileriniń nazaryna jetkizýi boıynsha mindetterin belgileý jáne osy mindetterdi saqtamaǵan jaǵdaıda, ony ákimshilik jaýaptylyqqa tartý boıynsha normalar engizdi.
Eske sala keteıik, bıyl 18 naýryzdaǵy Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine tutynýshylardyń quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldanǵan bolatyn.