Qazaqstanda áleýmettik fıtnes-zaldar paıda bolady

ALMATY. QazAqparat - Májilis depýtaty Omarhan Óksikbaev Almaty qalasyndaǵy №5 Qalalyq klınıkalyq aýrýhananyń qyzmetkerlerimen kezdesip, Prezıdent Joldaýyndaǵy densaýlyq saqtaý salasyndaǵy negizgi mindetter týraly áńgimelesti. Búl týraly «QazAqparat» HAA tilshisi habarlaıdy.

Onyń oıynsha, Prezıdent Joldaýda medıtsınalyq qyzmetkerlerdiń kásibıligin arttyrýdy  basty mindetterdiń biri retinde belgilegen.

«Kóptegen azamattar jergilikti dárigerlerge senim bildirmeı, sol úshin shetelge emdelýge barady degende, júregiń aýyrady. Bizdiń dárigerlerimiz batystaǵy áriptesterinen qalyspaýy tıis. Olardyń ınnovatsııalary bar, biz de zamanǵa saı alǵa basýymyz kerek. Men bizdiń dárigerlerimizdi kásibı deńgeıin arttyrýǵa shaqyramyn. Azamattarymyzdyń densaýlyǵy soǵan baılanysty», - dedi Májilis depýtaty O.Óksikbaev.

Ol sondaı-aq, ultty saýyqtyrý úshin elimizdiń barlyq aımaqtarynda áleýmettik fıtnes-zaldar pa da bolatynyn atap ótti.

«Prezıdent azamattarymyz dene shynyqtyrýmen aınalysýy úshin barlyq jaǵdaı jasaýdy tapsyrdy. Aldaǵy eki jylda 100-den astam saýyqtyrý kesheni salynady. Salaýatty ómir saltyna keshendi túrde júrýimiz kerek. Densaýlyq saqtaýǵa shyǵyndy ósirip qana qoımaı, sonymen birge, onyń aldyn alýymyz da qajet», - dep atap ótti ol.