Qazaqstanda aldaǵy úsh kúnde aýa raıy salqyn bolady

NUR-SULTAN. QazAqparat – Sınoptıkter aldaǵy úsh kúnge, 2-4 shildege arnalǵan aýa raıy boljamyn usyndy, dep habarlaıdy QazAqparat.

«Qazgıdromet» RMK málimetinshe, respýblıkanyń basym bóligindegi aýa raıyna ońtústik tsıklon yqpal etedi. Saldarynan kún kúrkirep, jańbyr jaýady.

«2 shildede batysta, 3 shilde soltústik-batysta, 4 shilde ońtústikte, ortalyqta qatty jańbyr jaýyp, burshaq túsýi múmkin. Daýyl soǵyp, jel kúsheıedi. Qazaqstannyń barlyq aýmaǵynda aýa raıy salqyn bolady», - delingen habarlamada.