Qazaqstanda aldaǵy úsh kún qubylmaly bolady

ASTANA. QazAqparat – Aldaǵy úsh kúnde Qazaqstannyń kóp bóliginde kún qubylyp turady. Uıytqyǵan jel jaýyn-shashyndy, qar men jańbyrdy aıdap ótedi, soltústik-batys, soltústik jáne shyǵys aýdandarda jaıaý burqasyn bolýy múmkin, dep habarlaıdy QazAqparat «Qazgıdromet» RMQ-ǵa silteme jasap.

Sınoptıkterdiń málimeti boıynsha, 11-12 naýryzda eldiń ońtústiginde nóser jańbyr jaýady, respýblıkanyń shyǵysynda 12-13 naýryzda qatty jaýyn-shashyn (qar, jańbyr) bolýy múmkin, Qazaqstannyń ońtústik-shyǵysynda 12-13 naýryzda nóser jaýyn jaýady. Eldiń barlyq bóliginde tuman túsip, soltústik bóliginde kóktaıǵaq bolýy múmkin. Respýblıkanyń ońtústiginde kún kúrkirep, naızaǵaı oınaıdy.

Aýa temperatýrasy: eldiń batys oblystarynda túnde – 0-10 gradýs jyly aýa raıynan -2-8 gradýsqa deıin qubylsa, kúndiz 3-15-ten 7-18 gradýs aralyǵynda jyly bolady. Soltústik-batysta, soltústikte, eldiń ortalyq pen shyǵysynda túnde 0-12-den 3-15 gradýsqa deıin tómendese, kúndiz mınýs 3- plıýs 10-nan, mınýs 5- plıýs 3-ke deıin sýytady. Ońtústikte túnde mınýs 3-plıýs 10 bolsa, kúndiz 10-20 gradýsqa deıin jylıdy. Ońtústik-shyǵysta túnde 0-8 bolsa, kúndiz de 2-18 aralyǵynda jyly bolady.