Qazaqstanda aldaǵy 3 kúnde kún jylynady

ASTANA. QazAqparat - «Qazgıdromet» RMK 11-13 sáýir kúnderi el óńirlerinde qalyptasatyn aýa raıyna boljamyn usyndy, dep habarlaıdy QazAqparat.

«Qazaqstannyń basym bóliginde atmosferalyq frontaldy bólikterdiń ótýimen qubylmaly kún raıy boljanýda. Jaýyn-shashyn kútiledi. Qazaqstannyń ońtústigi men ońtústik-shyǵysynda 11 sáýirde kúni boıy, 12 sáýirde túnde keı ýaqytta jaýyn (jańbyr, qar) qatty jaýýy yqtımal.

Skandınavııa aımaqtarynan soltústik-batys antıtsıklonynyń basyp kirýinen elimizdiń soltústik bóliginde aýa temperatýrasy túnde 5-10 gradýsqa deıin tómendeıdi», - delingen sınoptıkter málimetinde.
Degenmen, kúndiz aýa temperatýrasy birtindep joǵarylaıtyny boljanady. 13 sáýirde termometr baǵanasy respýblıkanyń soltústik jartysynda 10-18 gradýsqa, ońtústikte 17-30 gradýsqa deıin jetedi. Respýblıkada boıynsha tuman, ekpindi jel, ońtústik óńirlerde shańdy daýyl, naızaǵaı, soltústikte kóktaıǵaq boljanady.