Qazaqstanda alaıaqtyqqa jol beretin týroperatorlardan saqtaný sharalary kúsheıtilmek

NUR-SULTAN. QazAqparat - QR Mádenıet jáne sport vıtse-mınıstri Órken Bısaqaev týrıstik saparlarda qazaqstandyqtardyń quqyǵyn qorǵaýdy kúsheıtýdi usyndy, dep habarlaıdy QazAqparat tilshisi.

«Týrıstik bıznesti retteý maqsatynda mınıstrlik shetelge saparlaý týrızmi salasynda azamattar quqyqtaryna kepildik berý júıesiniń qoldanystaǵy tetigin jetildirýdi usynady. Zań jobasynyń osy bóliginde azamattardy qorǵaý deńgeıin kóterý boıynsha sharalar keshenin usynyp otyrmyz», - dedi Ó. Bısaqaev Parlament Májilisinde «Qazaqstannyń keıbir zańnamalyq aktilerine týrıstik qyzmet máseleleri boıynsha ózgerister men tolyqtyrýlar engizý týraly» zań jobasyn tanystyra otyryp.

Onyń sózine qaraǵanda, naryqta qyzmet kórsetetin keıbir týroperatorlar mindettemelerin tıisti deńgeıde oryndamaýyna baılanysty zańnamaǵa túzetýler engizý qajettigi týyndady.

Vıtse-mınıstrdiń paıymynsha, qoldanystaǵy zańnama talaptaryn buzǵan týrıstik saladaǵy sýbektiler úshin lıtsenzııany toqtatý turý boıynsha tetiktik joqtyǵy osy salada azamattardyń quqyqtaryna tolyqtaı kepildik berýge múmkindik jasamaıdy.

«Atap aıtqanda, jazasyzdyqty sezinip júrgen keıbir týroperatorlar týrısterge qııanat jasap júrgenin atap ótken jón», - dedi ol.