Qazaqstanda ákimder saılaýyn baıqaý boıynsha respýblıkalyq qoǵamdyq komıssııa quryldy

ASTANA. 1 tamyz. QazAqparat - Qazaqstanda aýdandyq mańyzdaǵy qalalardyń, aýyldyq okrýgteri, aýyl ákimderin saılaý kezinde baıqaý boıynsha respýblıkalyq qoǵamdyq komıssııa jumysyn bastady. Bul týraly búgin Astanada ótken baspasóz máslıhatynda atalǵan komıssııanyń tóraǵasy, Qazaqstan ardagerleri uıymy ortalyq keńesiniń tóraǵasy málim etti.

«Bizdiń komıssııa resmı tirkeýden ótip, Astanada keńsemiz ornalastyryldy. Qoǵamdyq komıssııa óziniń shtaby men qoǵamdyq qabyldaýdy ashyp, senim telefonyn qosty (55-72-96). Biz daýys berý barysyn baıqaý úshin elimizdiń óńirlerin aralaýǵa nıettimiz», - dedi Ó. Ozǵanbaev.

Onyń sózine qaraǵanda, komıssııa quramynda elimizdiń belgili qoǵam qaıratkerleri enip otyr. Olardyń qatarynda Qazaqstan Jazýshylar odaǵynyń tóraǵasy Nurlan Orazalın, Bas redaktorlar klýbynyń prezıdenti Kenjebolat Joldybaı, Qazaqstannyń isker áıelder qaýymdastyǵynyń tóraıymy Raýshan Sársembaeva, Eýropalyq quqyq jáne adam quqyǵy saraptama ınstıtýtynyń dırektory Marat Bashımov,«Demokratııa ınstıtýty» ulttyq zertteý qaýymdastyǵy dırektory ıÝlııa Kýchınskaıa bar.

Ó. Ozǵanbaevtyń sózine qaraǵanda, qazirgi kezde saılaý aldy úgit-nasıhattyń júrgizilýine monıtorıng júrgizilýde.

«Qoǵamdyq komıssııa óziniń jumysy barysynda ádil saılaýdyń ótýine qyzyǵýshylyq tanytyp otyrǵan barlyq uıymdarmen jáne azamattarmen yntymaqtasýdy josparlap otyr. Biz ózimizdiń tarapymyzdan ádil jáne obektıvti bolýǵa daıynbyz. Saılaý qorytyndysy boıynsha biz jumysymyzdyń qorytyndysyn jarııa etemiz», - dedi komıssııa jetekshisi.