Qazaqstanda Aı-92/93 benzıniniń baǵasy 99 teńgege deıin arzandady

ASTANA. QazAqparat - Búgin Qazaqstan Respýblıkasy Energetıka mınıstrliginiń saıtynda (energo.gov.kz) «Baǵalaryna memlekettik retteý belgilengen bólshek saýdada ótkiziletin munaı ónimderine shekti baǵa belgileý týraly» QR Energetıka mınıstriniń №67 buıryǵy jarııalandy.

Qujatta: «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» Qazaqstan Respýblıkasynyń 2011 jylǵy 20 shildedegi zańynyń 7-babynyń 15-tarmaqshasyna, 9-baby 2-tarmaǵynyń 3-tarmaqshasyna sáıkes BUIYRAMYN:

1. Baǵalaryna memlekettik retteý begilengen bólshek saýdada ótkiziletin munaı ónimderine shekti baǵa QQS-ty esepke ala otyryp, mynadaı mólsherde belgilensin:

Dızel otyny - lıtrine 99 teńge;

Aı-80 - lıtrine 89 teńge;

Aı-92/93 - lıtrine 99 teńge», - dep jazylǵan.