Qazaqstanda AES-ti qaı el salýy múmkin

<p>ASTANA. KAZINFORM &ndash; Búgin Úkimet otyrysynda &laquo;Qazaqstannyń atom elektr stansasy&raquo; JShS bas dırektory Tımýr Jantıkın AES qurylysyna qatysty short-paraqshaǵa qaı elder kirgenin atady.&nbsp;</p>

«2019 jyly biz eń ozyq sheteldik atom tehnologııalaryn jetkizýshilerden mindetti emes tehnıkalyq-kommertsııalyq usynystardy alý boıynsha marketıngtik protsedýrany júrgizdik. Nátıjesinde Qytaıdan, Ońtústik Koreıadan, Reseıden, Frantsııadan jáne AQSh-tan 6 vendordan 13 zamanaýı reaktor jobasyn aldyq. Usynylǵan tehnologııalardy aldyn ala baǵalaý úshin álemdik tájirıbe men MAGATE usynymy negizinde ózimizdiń baǵalaý júıemizdi ázirledik. Ony Frantsııanyń tanymal Assystem ınjınırıng kompanııasy maquldady», - dedi ol. 

Tımýr Jantıkınniń dereginshe, osydan keıin 4 jetkizýshi short-paraqshaǵa engizilgen:

 PR1000 reaktorymen qytaılyq CNNC kompanııasy;

 APR1000 jáne APR1400 reaktorlarymen koreılik KHNP kompanııasy;

 VVER-1200 reaktorymen reseılik Rosatom kompanııasy;

 PR1200 tehnologııasymen frantsııalyq EDF kompanııasy.

«Seriktester usynysy negizinde tehnologııalardy tańdaýdan bólek jobanyń shamamen quny, onyń merzimi, qarjylandyrý ádisteri men kózderi týraly túsinik qalyptasty», - dedi seriktestik bas dırektory. 

Eske sala keteıik, buǵan deıin AES-ten shyqqan otyn qaldyǵyn qaıtadan kádege jaratýǵa bolatyny týraly jazǵan edik.