Qazaqstanda AEA-larǵa jeńildik jasaý tetikteri ózgeredi

NUR-SULTAN. QazAqparat – Arnaıy ekonomıkalyq aımaqtar jańa talaptar boıynsha jumys isteıtin bolady. Bul týraly Indýstrııa jáne ınfraqurylymdyq damý vıtse-mınıstri Marat Qarabaev aıtty, dep habarlaıdy QazAqparat tilshisi.

«Jeńildik berý rejımi jobanyń áleýmettik-ekonomıkalyq kórsetkishine qaraı usynylady. Buryndary AEA-lar 25 jyl qyzmet etse, osy 25 jyl ishinde ınvestorlar salyqtan bosatylatyn. Qazirgi talaptarǵa toqtalsaq, bul endi joba ınvestorynyń iskerligine, joba tıimdiligine, sondaı-aq qansha ınvestıtsııa salǵanyna baılanysty bolady. Máselen, 5 mln teńge qarajat salsa, alǵashqy 5 jylda memlekettik qoldaýǵa ıe bolady. Al qomaqty qarajatty ınvestıtsııalasa, onda qoldaý kórsetý merzimi de uzara beredi. ıAǵnı, qoldaý is-sharalaryn usyný boıynsha saralanǵan qadamdar eskeriledi», - dedi M. Qarabaev Senatta ótken dóńgelek ústel otyrysynda.

Sonymen qatar ol jergilikti atqarýshy organdar men basqarýshy kompanııalardyń jaýapkershiligin bekitý boıynsha qabyldanyp jatqan sharalar týraly aıtyp berdi.

«Osy máselege qatysty birneshe tetikti usynǵan edik. Birinshi kezekte ákimder jumysynyń tıimdiligi ındıkatorynda Arnaıy ekonomıkalyq aımaqtardy damytý qalǵany durys dep sanaımyz. Bul óz kezeginde basqarýshy kompanııalar bastapqy qoıylǵan maqsattarǵa qol jetkizý úshin kerek», - dedi vıtse-mınıstr.

Budan buryn habarlanǵandaı, eki jylda Qazaqstanda Arnaıy ekonomıkalyq aımaqtar bıýdjetke 170,2 mlrd teńge túsirdi.