Qazaqstanda advokattar sany artty
«Ókinishke qaraı, advokattar áli de jetkiliksiz. Eger de Anglııada bir advokatqa 800 adam tıesili bolsa, Reseıde – 1900, al bizde zań qabyldanǵanǵa deıin bir advokatqa shaqqanda ortasha eseppen 3900 adamnan keldi. Jalpy, 4 700 qorǵaýshy boldy», - dedi Beketaev.
Osy oraıda, ol qorǵaýǵa muqtaj adamdarǵa tegin advokattardy memleket tarapynan usynýdyń tómen sapasy baıqalyp otyrǵandyǵyn atap ótti.
«Bul neni bildiredi? Adamdar advokat izdeı kele, bireýin tabady. Alaıda tapshylyq bar salada sapa da tómen bolady, sáıkesinshe osy advokattarǵa júktemede kóp ekenin atap ótken jón. Atap aıtqanda, advokatýra klıentteriniń biri - ol memleket. Bul turǵyda qorǵaýshyǵa aqshasy joq azamattar úshin memleket jaldaıdy. Osy salada memleket kadr tapshylyǵy máselesine tap bolýda, ıaǵnı jumys istep júrgen advokattardy ǵana qyzmetke tartady», - dedi M. Beketaev.
Onyń atap ótýinshe, «Advokattyq qyzmet jáne zań kómegi týraly» zań qabyldanǵannan keıin jaǵdaı birshama jaqsardy.
«Zań qabyldanǵannan keıin advokattar sany kúrt artty. Osy oraıda jaǵdaı jaqsarýda, olar ózara básekelestikke túsip jatyr», - dedi Ádilet mınıstr.