Qazaqstanda ádilettilikke suranys artty – Erkin Tuqymov

ASTANA. QazAqparat – QR Prezıdenti janyndaǵy Qazaqstan strategııalyq zertteýler ınstıtýtynyń dırektory Erkin Tuqymovtyń pikirinshe, qoǵamda ádilettilikke suranys artty. Ol bundaı pikirdi búgin Jibek Joly telearnasynyń efırinde bildirdi, dep habarlaıdy QazAqparat.

«Elimizge osy jyldyń qańtarynda keldim. Shamamen tórt jyldaı elde bolmaǵan edim. Osy tórt jylda bir Qazaqstannan ketip, jańa, basqa Qazaqstanǵa oralǵandaı boldym. Bunyń bári eń aldymen qoǵamnan baıqalady. Qoǵam múldem basqasha ózgerdi. Ony salystyratyn jaǵdaıym bar. Men qoǵamnyń naǵyz betburysyn sezdim, ashyqtyqqa, adaldyqqa, ádilettilikke, demokratııa negizderine úlken suranys bar. 2019 jyly bılik osy vektorǵa irgetas qalaǵan. Qoǵam ózgerdi», - dedi Erkin Tuqymov.

Eske salaıyq, JJ Talk jáne Krıvosheev LIVE birlesken baǵdarlamasynyń efırinde Erbolat Muhamedjan jáne Denıs Krıvosheevpen birge sarapshylar elimizde búgin ótken prezıdent saılaýyn talqylap, el bolashaǵy týraly sóz etti.

Vıdeodan alynǵan kadr/ jjtv.kz/ru/live