Qazaqstanda adam satý máselesimen kúres qalaı júrýde – maman pikiri
«Jalpy, álemdegi adam saýdasynyń máseleleri boıynsha AQSh jyl saıyn baıandama daıyndaıdy. Osy baıandamaǵa sáıkes, Qazaqstanda adam saýdasymen kúresý joldary nashar, adam saýdasynyń kóptegen qurbandary arnaýly áleýmettik kómekti ala almaıdy delingen. Sonymen birge, bizdiń elimizdi baqylaý tizimine engizip qoıǵan bolatyn. Sol sebepti, sońǵy jyldary belsendi jumystar júrgizilip, nátıjesinde elimiz AQSh baıandamasynyń baqylaý tiziminen alynyp, ekinshi sanatqa ótkizildi. ıAǵnı, bul baǵytta jumys jaqsaryp kele jatyr degen sóz. Al birinshi sanatqa búginde 28 el kiredi. Olardyń kóbi damyǵan elder», - dedi T.Ábishev.
Esterińizge salsaq, búgin Almatyda QR Prezıdenti janyndaǵy Adam quqyqtary jónindegi komıssııanyń «Qazaqstan Respýblıkasynda adam saýdasyna qarsy is-qımyl salasynda azamattardyń jáne ózge de adamdardyń áleýmettik-ekonomıkalyq, eńbek, azamattyq jáne mádenı quqyqtaryn qorǵaýdyń ózekti máseleleri» atty arnaıy taldamalyq baıandamasynyń tanystyrylymy ótkenin jazǵan edik.